ବମ୍ବେ: ପୁଅଙ୍କୁ ଡରନ୍ତି ବଲିଉଡର ପରଫେକ୍ସନାଲିଷ୍ଟ ଆମିର ଖାନ୍। ପ୍ରଥମ ପତ୍ନୀ ରୀନାଙ୍କଠାରୁ ଜନ୍ମିତ ପୁଅ ଜୁନୈଦ ଖାନ୍ ଏବଂ ଝିଅ ଇରା ଖାନ୍ଙ୍କୁ ନେଇ ସର୍ବଦା ଚର୍ଚ୍ଚାରେ ରହିଥାନ୍ତି ସେ। ହେଲେ ଏବେ ସେ ପୁଅଙ୍କୁ ତାଙ୍କର ସବୁଠାରୁ ବଡ଼ ଆଲୋଚକ ବୋଲି କହିଛନ୍ତି।
ଆମିରଙ୍କ ପୁଅ ହୋଇଥିବା ଯୋଗୁ ଜୁନୈଦ ଜଣେ ଷ୍ଟାର କିଡ୍। ହେଲେ ସେ ସାଧାରଣ ମଣିଷ ଭଳି ଜୀବନ ଜିଇଁବାକୁ ପସନ୍ଦ କରିଥାନ୍ତି। ପାଠପଢ଼ାରେ ସେ ବହୁତ ଭଲ ଥିଲେ। ହେଲେ ଶାନ୍ତ ସ୍ବଭାବ ଯୋଗୁ ସେ ବେଶି କଥା ହେବାକୁ ପସନ୍ଦ କରନ୍ତି ନାହିଁ। ଏବେ ତାଙ୍କ ପାଖରେ ନିଜର ଗାଡ଼ି(କାର୍)ନାହିଁ। ଏପରିକି ବାପା ହିସାବରେ ଦେବାକୁ ଚାହିଁଲେ ବି ସେ ସିଧାସିଧା ମନା କରିଦେଇଥାନ୍ତି ବୋଲି ଆମିର କହିଛନ୍ତି। ଏହା ବଦଳରେ ସେ ବସ୍ କିମ୍ବା ଟ୍ରେନ୍ରେ ଯିବାକୁ ପସନ୍ଦ କରିଥାନ୍ତି। ଏବେ ତାଙ୍କୁ ୩୦ ବର୍ଷ। ସେ ସମୟକୁ ନେଇ ବେଶ ଯତ୍ନବାନ। ଏଣୁ କେବେ ମିଟିଂରେ ବିଳମ୍ବରେ ପହଞ୍ଚିଲେ ଗାଳି ପଡ଼ିଥାଏ ବୋଲି ଆମିର କହିଛନ୍ତି।
ଅଭିନୟ ବିଷୟରେ କଥା ହେଲେ ଜୁନୈଦ ସିରିଜ ‘ମହାରାଜା’ରୁ ଅଭିନୟରେ ଡେବ୍ୟୁ କରିବେ। ଏଥିସହ ସେ ‘ପ୍ରିତମ ପ୍ୟାରେ’ ଜରିଆରେ ଫିଲ୍ମ ନିର୍ମାତା ଭାବେ ବଲିଉଡରେ ପାଦ ରଖିବେ। ଆମିର ନିଜେ ଏହି ଫିଲ୍ମରେ ଛୋଟ ଭୂମିକାରେ ଅଭିନୟ କରିବେ ବୋଲି ଜଣାପଡ଼ିଛି।
