ମୁମ୍ବାଇ,୨୪।୬: ବଲିଉଡର ଭେଟେରାନ ଅଭିନେତ୍ରୀ ଶାବାନା ଆଜମି ଗୁରୁବାର ଏକ ମଦ ଯୋଗାଉଥିବା ଅନଲାଇନ୍ ପ୍ଲାଟଫର୍ମ ନାମରେ ଠକାମି ଅଭିଯୋଗ ଆଣିଛନ୍ତି। ହୋମ ଡେଲିଭରି କରୁଥିବା ‘ଲିଭିଂ ଲିକ୍ୟୁଡ୍ଜ’ ନାମକ ଅନଲାଇନ ପ୍ଲାଟଫର୍ମରୁ ମଦ ଅର୍ଡର କରିଥିଲେ। କିନ୍ତୁ ଏହା ତାଙ୍କ ପାଖରେ ପହଞ୍ଚି ନ ଥିବା ଟୁଇଟ୍ କରି ସୂଚନା ଦେଇଛନ୍ତି।
” ସତର୍କ ରୁହନ୍ତ ମୁଁ ଠକାମିର ଶିକାର ହୋଇଛି। ଲିଭିଂ ଲିକ୍ୟୁଡ୍ରୁ ମଦ ଅର୍ଡର କରିବା ସହ ଆଗୁଆ ପେମେଣ୍ଟ କରିଥିଲି। ଅର୍ଡର କରିଥିବା ଆଇଟମ୍ ନ ଆସିବାରୁ ମୁଁ ସେମାନଙ୍କୁ ଫୋନ କରିଥିଲି। ସେମାନେ ମୋ ଫୋନ ଉଠାଇ ନ ଥିଲେ“ ବୋଲି ଆଜମି ଟୁଇଟ୍ କରିଛନ୍ତି। ଏଥି ସହ ଉକ୍ତ ଅନଲାଇନ ପ୍ଲାଟଫର୍ମ ସହ ପେମେଣ୍ଟର ସମ୍ପୂର୍ଣ୍ଣ ତଥ୍ୟ ମଧ୍ୟ ଶେୟାର କରିଛନ୍ତି। ତେବେ ଏ ସମ୍ପର୍କରେ ଥାନାରେ କୌଣସି ଅଭିଯୋଗ କରିଛନ୍ତି ନା ନାହିଁ ତାହା ସେ ସ୍ପଷ୍ଟ କରି ନାହାନ୍ତି। ପୂର୍ବରୁ ଅକ୍ଷୟ ଖାନ୍ନା, ନର୍ଗିସ ଫଖରି ଓ କରନ ସିଂ ଗ୍ରୋବରଙ୍କ ଭଳି ବଲିଉଡ୍ ସେଲିବ୍ରେଟି ଅନଲାଇନ ଠକାମିର ଶିକାର ହୋଇଛନ୍ତି।
