ବମ୍ବେ: ବିବାହ ବନ୍ଧନରେ ଟେଲି ପରଦାର ହ୍ୟାଣ୍ଡସମ୍ ବ୍ୟାଚ୍ଲର ତାଲିକାରେ ସାମିଲ ଥିବା ଶାହିର ଶେଖ। କିଛି ଦିନ ପୂର୍ବେ ସେ ନିଜ ପ୍ରେମିକା ରୁଚିକା କପୁରଙ୍କ ସହ କୋର୍ଟରେ ବିବାହ କରିଛନ୍ତି। ଏହି ଉତ୍ସବ ବେଶ୍ ଗୋପନୀୟ ଥିବା ବେଳେ ଆସନ୍ତା ବର୍ଷ ଉଭୟ ରୀତିନୀତି ଅନୁଯାୟୀ ବିବାହ କରିବେ ବୋଲି ଜଣାପଡ଼ିଛି।
ହାତକୁ ଦୁଇ ହାତ ହେବା ପରେ ଶାହିର କହିଛନ୍ତି, ରୁଚିକା ବହୁତ ସଚ୍ଚୋଟ। ସମ୍ପର୍କର ଖାସ କଥା ହେଉଛି, ଆମେ ଭଲ ବନ୍ଧୁ। ଅଭିନେତା ହିସାବରେ କ୍ୟାମେରା ସମ୍ମୁଖରେ ଅଭିନୟ କରିବାକୁ ପଡେ। ହେଲେ ତାଙ୍କ ସାମ୍ନାରେ ମୁଁ ପ୍ରକୃତ ପରିଚୟରେ ରହୁଛି। ସାଥୀ ହିସାବରେ ସେ ବହୁତ ଭଲ। ମୋତେ ବୁଲିବା ପସନ୍ଦ। ତାଙ୍କ ସହ ଏବେ ଜୀବନର ବାକିତକ ଯାତ୍ରା ପାଇଁ ପ୍ରସ୍ତୁତ ବୋଲି ଶାହିର କହିଛନ୍ତି।
ରୁଚିକା ହେଉଛନ୍ତି ଏକତା କପୁରଙ୍କ ବାଲାଜୀ ମୋସନ ପିକ୍ଚର୍ସ ଲିମିଟେଡ୍ର କ୍ରିଏଟିଭ୍ ପ୍ରଯୋଜକ ଏବଂ ଭାଇସ୍ ପ୍ରେସିଡେଣ୍ଟ। ଦୁଇ ବର୍ଷ ତଳେ ଫିଲ୍ମ ‘ଜଜ୍ମେଣ୍ଟାଲ ହେ କ୍ୟା’ ଶୁଟିଂ ସେଟ୍ରେ ଶାହିରଙ୍କ ସହ ତାଙ୍କ ଦେଖା ହୋଇଥିଲା। ଏହାପରଠାରୁ ସେମାନେ ଡେଟ୍ କରୁଥିବା ବେଳେ ଏବେ ବିବାହ କରିଛନ୍ତି।