ବମ୍ବେ: ନବେ ଦଶକର କିଛି ଗୀତ ଆଜିବି ଦର୍ଶକଙ୍କ ହୃଦୟରେ ଘର କରି ରହିଛି। ଠିକ୍ ସେଭଳି କିଛି ଅଭିନେତାଙ୍କୁ ମଧ୍ୟ ପସନ୍ଦ କରାଯାଏ। ସେଥିରୁ ‘ଆଜା ନଚଲେ’ ଏବଂ ‘ଡୁବା ଡୁବା’ ଭଳି ଗୀତରେ ନଜର ଆସିଥିବା ମଡେଲ ତରୁଣ ରାଘବନ ଜଣେ। ସେତେବେଳେ ତାଙ୍କର ଲୋକପ୍ରିୟତା କିଛି କମ୍ ନ ଥିଲା। ସୁନ୍ଦର ଚେହେରାକୁ ନେଇ ସେ ମହିଳା ପ୍ରଶଂସକଙ୍କ ହୃଦୟରେ ରାଜୁତି କରୁଥିଲେ।
ଟେଲିଭିଜନ ଧାରାବାହିକ ‘ହୁବହୁ’ରେ ସେ କାମ କରିଥିଲେ। ପରେ କିଛି ଗୀତରେ ସେ ନଜର ଆସିଥିଲେ। ମାତ୍ର ଅଭିନୟରେ ଫିକା ପଡ଼ିବାରୁ ଖୁବ୍ କମ୍ ଦିନରେ ସେ ଲାଇମ୍ଲାଇଟ୍ରୁ ଦୂରେଇ ଯାଇଥିଲେ। ଏବେ ସେ ଖୁବ୍ ବଦଳିଗଲେଣି। ଯେକେହି ତାଙ୍କୁ ଦେଖିଲେ ହଠାତ୍ ଚିହ୍ନି ପାରିବ ନାହିଁ। ତେବେ ସଙ୍ଗୀତା ଚୋପ୍ରାଙ୍କୁ ବିବାହ କରିଛନ୍ତି ତରୁଣ। ଏବେ ସେ ନିଜର ପରିବାର ସହ ଦିନ କାଟୁଛନ୍ତି।