ମୁମ୍ବାଇ: ଜାପାନର ରାଜଧାନୀ ଟୋକିଓରେ ଜୁଲାଇ ୨୩ରେ ଆରମ୍ଭ ହେବାକୁ ଯାଉଛି ଅଲିମ୍ପିକ୍ସ । ଏଥିପାଇଁ ଟିମ୍ ଇଣ୍ଡିଆ ସେଠାରେ ପହଞ୍ଚି ସାରିଲାଣି । ଇତିମଧ୍ୟରେ ଭାରତୀୟ ଦଳକୁ ସମର୍ଥନ କରି ବଲିଉଡ ଖିଲାଡି ବୟ ଅକ୍ଷୟ କୁମାର ଏକ ଭିଡିଓ ସୋସିଆଲ ମିଡିଆରେ ଶେୟାର କରିଛନ୍ତି । ଯେଉଁଥିରେ ସେ ଭାରତୀୟ ଟିମ୍କୁ ଚିୟର କରୁଥିବା ଦେଖାଯାଇଛି । ନିକଟରେ କ୍ରିଡା, ସୂଚନ ଓ ଲୋକ ସମ୍ପର୍କ ମନ୍ତ୍ରୀ ଅନୁରାଗ ଠାକୁର ଅଲିମ୍ପିକ ଖେଳରେ ଭାରତୀୟ ଦଳଙ୍କୁ ଚିୟର କରିବା ଲାଗି ଏକ ଭିଡିଓ ଶେୟାର କରିଥିଲେ । ଏଥିରେ ଅନୁରାଗ ଠାକୁର ଅକ୍ଷୟ କୁମାରଙ୍କୁ ନୋମିନେଟ କରିଥିଲେ । ଏବେ ଅକ୍ଷୟ ଅନୁରାଗଙ୍କୁ ଉତ୍ତର ଦେବାକୁ ଯାଇ ଏକ ଭିଡିଓ ଶେୟାର କରିଛନ୍ତି । ଯେଉଁଥିରେ ସେ ଭାରତୀୟ ଟିମ୍କୁ ଉତ୍ସାହିତ କରୁଥିବା ଦେଖାଯାଇଛି । ଏହାସହ ଅକ୍ଷୟ କହୁଛନ୍ତି ଟୋକିଓ ଅଲିମ୍ପିକ୍ସରେ ଆମ ଭାରତୀୟ ଟିମର ଉତ୍ସାହ ବୃଦ୍ଧି କରିବାକୁ ଯାଇ ମୁଁ ଭରସା ଦେଉଛି କି ଆମ ଖେଳାଳି ଟୋକିଓ ଅଲିମ୍ପିକ୍ସରେ ଦେଶର ନାଁ ଉଜ୍ୱଳ କରିବେ । ଆପଣମାନେ ବି ଏମିତି ଭିଡିଓ ପ୍ରସ୍ତୁତ କରନ୍ତୁ ଓ ୫ ଜଣ ବନ୍ଧୁଙ୍କ ସହ ଏହାକ୍ୁ ଶେୟାର କରନ୍ତୁ ତଥା ହାସଟ୍ୟାଗ ଚିୟର ଫର ଇଣ୍ଡିଆ ସହ ସୋସିଆଲ ମିଡିଆରେ ଅପଲୋଡ କରନ୍ତୁ । ଏହାସହ ଅକ୍ଷୟ କହିଛନ୍ତି ଭାରତର ବିଜୟ ଭାରତ ହାତରେ । ଏଥିପାଇଁ ଅକ୍ଷୟ ଅନୁରାଗଙ୍କୁ ଧନ୍ୟବାଦ ବି ଦେଇଛନ୍ତି ।
Thank you Anurag ji for nominating me.
I’m cheering for Team India at #Tokyo2020 Olympics. Are you?
I nominate : @KhiladiGroup1 @RanchiAkkians @Akkistaan @RajasthanAkkian @AKFansGroup @TamilAkkians @SILCHAR_AKKIANS @CHENNAIAKKIANS @MumbaiAkkians @VeerAkkians #Cheer4India https://t.co/dkUXPZO8BM pic.twitter.com/rMQGnscXFF
— Akshay Kumar (@akshaykumar) July 22, 2021
