ଫୁଲନଖରା,୨୪।୪:(ଡି.ଏନ୍.ଏ.): ଜଣେ ଅଭିନେତ୍ରୀଙ୍କୁ ପ୍ରତାରଣା କରି ଗିରଫ ହେଲେ ଅଭିନେତା। ଗିରଫ ଅଭିନେତା ଜଣକ ହେଲେ ବ୍ୟାସନଗର ଥାନା ଅଧୀନ ଯାଜପୁର ରୋଡ଼ର ଏମ୍.ସୁମନ କୁମାର।
ଅଭିଯୋଗ ମୁତାବକ, ଅଭିନେତା ସୁମନ ୨ ବର୍ଷ ଧରି ଜଣେ ଅଭିନେତ୍ରୀଙ୍କ ସହ ପାହାଳ ଥାନା ଅଧୀନ ହଂସପାଳରେ ଏକ ଫ୍ଲାଟରେ ଏକତ୍ର ରହୁଥିଲେ। ପରବର୍ତ୍ତୀ ସମୟରେ ସୁମନ ଅଭିନେତ୍ରୀଙ୍କୁ ବିବାହର ପ୍ରଲୋଭାନ ଦେଖାଇ ୩ ଲକ୍ଷ ୫ହ ହଜାର ଟଙ୍କା ଠକି ନେଇଥିଲେ। ଅଭିନେତ୍ରୀ ତାଙ୍କୁ ବିବାହ କରିବାକୁ କହିଥିଲେ। ହେଲେ ସେ ତାଙ୍କୁ ବିବାହ କରିବାକୁ ମନାକରି ଦେଇଥିଲେ। ଏପରିକି ସୁମନ ଅଭିନେତ୍ରୀଙ୍କ ହତ୍ୟା ଧମକ ଦେଇଥିଲେ। ପ୍ରତାରଣାର ଶିକାର ହୋଇଥିବା ନେଇ ଅଭିନେତ୍ରୀ ଜଣକ ଶନିବାର ପାହାଳ ଥାନାରେ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତିକରି ପାହାଳ ଥାନା ପୋଲିସ ଏକ ମାମଲା (ନଂ.୫୭/୨୨) ରୁଜୁ କରିଥିଲା। ପୋଲିସ ତଦନ୍ତ ପରେ ଅଭିନେତା ସୁମନଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ଷ୍ଟାଲିନ ବିଶ୍ୱାଳ ପ୍ରକାଶ କରିଛନ୍ତି।