ମୁମ୍ବାଇ, ୧୦।୧୨: ବଲିଉଡ୍ ଅଭିନେତା ଅଶୋକ କୁମାରଙ୍କର ପୁଣ୍ୟତିଥି ଗୁରୁବାର ପାଳିତ ହେଉଛି। ୨୦୦୧ ଡିସେମ୍ବର ୧୦ ତାରିଖରେ ସେ ଦେହତ୍ୟାଗ କରିଥିଲେ। ୧୯୧୧ ଅକ୍ଟୋବର ୧୩ରେ ତାଙ୍କର ଜନ୍ମ ହୋଇଥିଲା। ଅଶୋକ କୁମାର ଜଣେ ଆଗଧାଡ଼ିର ଅଭିନେତା ସହିତ ଭଲ ପେଣ୍ଟର ମଧ୍ୟ ଥିଲେ। ସେ ନିଜ ଜୀବନ କାଳମଧ୍ୟରେ ୩ଶହରୁ ଅଧିକ ପେଣ୍ଟିଂ କରିଥିଲେ। ସେସବୁ ପେଣ୍ଟିଂରେ ସ୍ତ୍ରୀ ଶୋଭା ଦେବୀଙ୍କର କୌଣସି ପୋଷାକ ପିନ୍ଧି ନ ଥିବା ଏକ ଚିତ୍ର ମଧ୍ୟ ଥିଲା। ପରବର୍ତ୍ତୀ ସମୟରେ ଅଶୋକଙ୍କ ଝିଅ ଭାରତୀ ଏସବୁ ପେଣ୍ଟିଂ କଲେକସନ୍ କରି ଏହାର ଏକ ପ୍ରଦର୍ଶନୀ କରିଥିଲେ।