ବମ୍ବେ: ପରଲୋକରେ ଭେଟେରାନ ଅଭିନେତା ୟସୁଫ ହୁସେନ। ମୃତ୍ୟୁବେଳକୁ ତାଙ୍କୁ ୭୩ ବର୍ଷ ହୋଇଥିଲା। କରୋନାରେ ପୀଡ଼ିତ ହେବା ପରେ ସେ ଲୀଳାବତୀ ହସ୍ପିଟାଲରେ ଚିକିତ୍ସିତ ହେଉଥିଲେ। ୟୁସୁଫଙ୍କ ମୃତ୍ୟୁ ନେଇ ଜ୍ୱାଇ ତଥା ଫିଲ୍ମନିର୍ମାତା ହଂସଲ ମେହଟ୍ଟା ସୋସିଆଲ ମିଡିଆରେ ଜଣାଇଛନ୍ତି। ଏନେଇ ଜଣାପଡ଼ିବା ପରେ ବହୁ ଅଭିନେତା ଏବଂ ପ୍ରଶଂସକ ଶୋକବ୍ୟକ୍ତ କରୁଛନ୍ତି।
ୟୁସୁଫ ‘ରୋଡ୍ ଟୁ ସଂଗମ’, କ୍ରେଜି କୁକ୍କଡ ଫାମିଲି, ବ୍ଲୁ ଅର୍ଗାନ୍ସ, ଖୋୟା ଖୋୟା ଚାନ୍ଦ, ଧୁମ୍ ୨, ଦବଙ୍ଗ ୩, କୃଷ ୩ ଏବଂ ବିବାହ ଭଳି ଫିଲ୍ମରେ କାମ କରିଥିଲେ। ଏହାଛଡ଼ା ସେ ସିଆଇଡିରେ ନଜର ଆସିଥିଲେ। ବ୍ୟକ୍ତିଗତ ଜୀବନ ଦେଖିଲେ ୟୁସୁଫ ୩ ବିବାହ କରିଥିଲେ। ତଥାପି ଜଣେ ଉତ୍ତମ ବୁଝାମଣା ଥିବା ପାର୍ଟନର ଖୋଜୁଥିବା ସାକ୍ଷାତକାରରେ କହିଥିଲେ।