କେସିଙ୍ଗା,୨୧।୩(ଡି.ଏନ୍.ଏ.): ଆସନ୍ତା ୨୪ରେ ପୌର ନିର୍ବାଚନ ହେବାକୁ ଥିବା ବେଳେ ମଙ୍ଗଳବାର ପ୍ରଚାରର ଶେଷ ଦିନ। ଏହାକୁ ଦୃଷ୍ଟିରେ ରଖି କଳାହାଣ୍ଡି ଜିଲା କେସିଙ୍ଗା ଏନ୍ଏସିରେ ୩ ପ୍ରମୁଖ ଦଳ ନିର୍ବାଚନୀ ପ୍ରଚାରକୁ ଜୋରଦାର କରିଛନ୍ତି। ସୋମବାର ଭାଜପା ଅଧ୍ୟକ୍ଷ ପ୍ରାର୍ଥୀ ସଚିନ ଜୈନ ମଧ୍ୟ ସହରରେ ନିର୍ବାଚନୀ ପ୍ରଚାର କରିଥିଲେ। ନିର୍ବାଚନୀ ଶୋଭାଯାତ୍ରାରେ ଆଲବମ୍ ଅଭିନେତ୍ରୀ ଦେବ୍ଜାନୀ ସାମିଲ ହୋଇଥିଲେ। ଦେବଜାନୀ ଭାଜପା ସରକାରଙ୍କ ଜନ ହିତକାର କାର୍ଯ୍ୟ ସମ୍ପର୍କରେ ଲୋକଙ୍କୁ ଅବଗତ କରାଇଥିଲେ। ଏପରି କି ଭାଜପା ଅଧ୍ୟକ୍ଷ ପ୍ରାର୍ଥୀ ସଚିନଙ୍କୁ ଭୋଟ ଦେବାକୁ ଲୋକଙ୍କୁ କହିଥିଲେ। ଅନ୍ୟପକ୍ଷେ ଅଭିନେତ୍ରୀଙ୍କୁ ଦେଖିବା ପାଇଁ ଲୋକଙ୍କ ଭିଡ ଜମିଥିଲା।
