ମୁମ୍ବାଇ: ଅଭିନେତ୍ରୀ ତଥା ପ୍ରଖ୍ୟାତ ଭାରତନାଟ୍ୟମ ନୃତ୍ୟଶିଳ୍ପୀ ସୁଧା ଚନ୍ଦ୍ରନ୍ ଇନଷ୍ଟାଗ୍ରାମର ଏକ ପୋଷ୍ଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟ୍ୟାଗ୍ କରିଛନ୍ତି। ପୋଷ୍ଟ ଯୋଗେ ସେ ନିବେଦନ କରି କହିଛନ୍ତି, ତାଙ୍କ ଭଳି ବରିଷ୍ଠ ନାଗରିକଙ୍କୁ ଏକ ନିର୍ଦ୍ଦିିଷ୍ଟ କାର୍ଡ ପ୍ରଦାନ କରାଯାଉ। ବୟସ୍କମାନେ ବିମାନବନ୍ଦର କର୍ତ୍ତୃପକ୍ଷଙ୍କ ଦ୍ୱାରା ଅନେକ ଅସୁବିଧାର ସମ୍ମୁଖୀନ ହେଉଛନ୍ତି।
କହି ରଖୁଛୁ ଯେ, ଏକ ଦୁର୍ଘଟଣାରେ ସୁଧା ଚନ୍ଦ୍ରନ୍ ଗୋଡ ହରାଇଥିଲେ। କିନ୍ତୁ ପୁନର୍ବାର କୃତ୍ରିମ ପାଦ ବ୍ୟବହାର କରି ଡ୍ୟାନ୍ସ ଓ ଅଭିନୟକୁ ଫେରିଥିଲେ। ସେ ପୋଷ୍ଟରେ ନିଜର ପରିଚୟ ଲେଖିବା ସହ ପ୍ରତ୍ୟେକ ଥର ବିମାନମନ୍ଦର କର୍ତ୍ତୃପକ୍ଷଙ୍କୁ ତାଙ୍କ କୃତ୍ରିମ ଅଙ୍ଗ ଚେକ୍ କରିବା ପ୍ରକ୍ରିୟା ଦ୍ୱାରା ସେ ବହୁତ କଷ୍ଟ ପାଉଥିବା କହିଛନ୍ତି। ସେ ଏ ନେଇ ପ୍ରଧାନମନ୍ତ୍ରୀଙ୍କୁ ଇନଷ୍ଟାଗ୍ରାମରେ ଜଣାଇଛନ୍ତି। ତାଙ୍କ ବାର୍ତ୍ତା ରାଜ୍ୟ ତଥା କେନ୍ଦ୍ର ସରକାରୀ କର୍ତ୍ତୃପକ୍ଷଙ୍କ ନିକଟରେ ପହଞ୍ଚିବ ବୋଲି ସେ ଆଶା ରଖିଥିବା କହିଛନ୍ତି।
