ମୁମ୍ବାଇ: ବଲିଉଡ୍ କୁଇନ୍ କଙ୍ଗନା ରାନାୱତ ଏବେ ତାଙ୍କ ଫିଲ୍ମ ‘ଥଲାଇବି’ ପାଇଁ ପୂରା ବ୍ୟସ୍ତ ଅଛନ୍ତି । ସେପ୍ଟେମ୍ବର ୧୦ରେ ଫିଲ୍ମଟି ରିଲିଜ୍ ହେବାକୁ ଯାଉଥିବା ବେଳେ ଏଥିରେ କଙ୍ଗନାଙ୍କ ଅଭିନୟ ସମସ୍ତଙ୍କୁ ଚକିତ କରିବ ବୋଲି କୁହାଯାଉଛି । ଏହି ଫିଲ୍ମକୁ ନେଇ ଏବେ ଭିନ୍ନ ଭିନ୍ନ ସାକ୍ଷାତ୍କାରରେ ନଜର ଆସୁଛନ୍ତି କଙ୍ଗନା । ନିକଟରେ ଏହି ସାକ୍ଷାତ୍କାର ସମୟରେ ସେ ଜଣେ ସାଉଥ୍ଷ୍ଟାରଙ୍କ ସହ କାମ କରିବାର ଇଚ୍ଛା ରଖିଥିବା ପ୍ରକାଶ କରିଛନ୍ତି । ଯାହାକୁ ନେଇ ଏବେ ଚର୍ଚ୍ଚା ଯୋର ଧରିଛି । କଙ୍ଗନା ଆଉ କାହାସହ ନୁହେଁ ସାଉଥର ସୁପରଷ୍ଟାର ପ୍ରଭାସଙ୍କ ସହ କାମ କରିବାକୁ ଇଚ୍ଛା ରଖିଥିବା ପ୍ରକାଶ କରିଛନ୍ତି । ଯଦି ତାଙ୍କ ସହ ଅଭିନୟ କରିବାକୁ ପ୍ରଭାସ ରାଜି ହୁଅନ୍ତି ତେବେ ସେ ନିଶ୍ଚୟ ଅଭିନୟ କରିବେ ବୋଲି କହିଛନ୍ତି । ଏ ନେଇ କଙ୍ଗନା ଫିଲ୍ମ ନିର୍ମାତା ପୁରୀ ଜଗନ୍ନାଥଙ୍କ ସହ କଥା ହୋଇଛନ୍ତି । ୨୦୦୯ରେ କଙ୍ଗନା ପ୍ରଭାସଙ୍କ ସହ ତେଲଗୁ ଫିଲ୍ମ ‘ନିରଞ୍ଜନ’ରେ ଟଲିଉଡ ଡେବ୍ୟୁ କରିସାରିଛନ୍ତି ।
