ମୁମ୍ବାଇ: ବଲିଉଡର ଗଳି କନ୍ଦିରେ ଏମିତି ଏକ ଖବର ପ୍ରଚାର ହୋଇଯାଇଛି ଯାହାକୁ ନେଇ ଚୁପଚାପ କିଛି ନା କିଛି ଆଲୋଚନା ହେଉଛି । କଥାଟା ହେଲା ବଲିଉଡ ବୋଲ୍ଡ ବିୟୁଟି ମଲାଇକା ପ୍ରେଗ୍ନେଟ ହୋଇଛନ୍ତି । ହେଲେ ଏଥିରେ କୌଣସି ସତ୍ୟତା ନାହିଁ ବୋଲି କହିଛନ୍ତି ତାଙ୍କ ବର୍ତ୍ତମାନର କଥିତ ପ୍ରେମିକ ଅର୍ଜୁନ କପୁର । ଏହାପରେ ପୁଣିଥରେ ମଲାଇକା ଲାଇମଲାଇଟକୁ ଆସିଛନ୍ତି । ଏଥର କିନ୍ତୁ ଅର୍ଜୁନ କପୁରଙ୍କ ସହ ନୁହେଁ ବରଂ ନିଜ ଶୋ’ର ପ୍ରମୋ ରିଲିଜକୁ ନେଇ ସେ ଆସିଛନ୍ତି ଚର୍ଚ୍ଚାକୁ ।
କିଛିଦିନ ପୂର୍ବରୁ ମଲାଇକା ତାଙ୍କ ନୂଆ ଶୋ’ ସମ୍ପର୍କରେ ସୂଚନା ଦେଇଥିଲେ । ଏବେ ଏହି ଶୋ’ର ପ୍ରମୋ ରିଲିଜ ହୋଇଛି । ଏହାକୁ ଅଭିନେତ୍ରୀ ତାଙ୍କ ଇନଷ୍ଟାଗ୍ରାମରେ ଶେୟାର ବି କରିଛନ୍ତି । ଭିଡିଓ ଶେୟାର କରି କ୍ୟାପଶନରେ ମଲାଇକା ଲେଖିଛନ୍ତି, ଏବେ ସମୟ ଆସିଯାଇଛି ମୁଁ ଆପଣମାନଙ୍କୁ ସ୍ପେଶ ଦେବି ଆଉ ନିଜର କେୟାର କମ କରିଦେବି ।
ଶେୟାର କରାଯାଇଥିବା ପ୍ରମୋରେ ମଲାଇକା କେମିତି ତାଙ୍କ ଗ୍ଲାମରସ ଲୁକରେ ଶୁମିଂ ପୁଲରେ ନିଆଁ ଲଗାଉଛନ୍ତି ତାହା ଦେଖିବାକୁ ମିଳିଛି । ଏହାସହ ସେ ଯୋଗ କରୁଥିବା ଦେଖାଯାଇଛି । ଏସବୁ ଭିତରେ କରିନା କୁପର ଖାଁ ବି ମଲାଇକାଙ୍କ ପ୍ରଶଂସା କରୁଥିବା ଦେଖାଯାଇଛି । ଏହାସହ ପ୍ରମୋରେ ସେ ଫରହା ଖାଁଙ୍କ ସହ ତାଙ୍କ ଲାଇଫର ନିଷ୍ପତ୍ତିକୁ ନେଇ କଥା ହେଉଥିବା ଦେଖାଯାଇଛି । ସେ ସାମାନ୍ୟ ଇମୋଶନାଲ ମଧ୍ୟ ଲାଗୁଛନ୍ତି । ଏହାସହ ପ୍ରମୋରେ ସେ ତାଙ୍କ ନିଜ ଜୀବନକୁ ନିଜ ଢଙ୍ଗରେ ବଞ୍ଚିଥିବା ନଜର ଆସିଛି ।
ମଲାଇକା ଆରୋରାଙ୍କ ଏହି ନୂଆ ଶୋ’ର ନାମ ରହିଛି ‘ମୁଭିଂ ୱିଥ ମଲାଇକା’ । ଏହା ଡିଜନି ହଟଷ୍ଟାରରେ ୫ ଡିସେମ୍ବରରୁ ଆରମ୍ଭ ହେବାକୁ ଯାଉଛି । ଏହି ଶୋ’ ମାଧ୍ୟମରେ ଦର୍ଶକେ ତାଙ୍କୁ ଅତି ନିକଟରୁ ଚିହ୍ନି ପାରିବେ । ମଲାଇକା ଆରୋରା ସବୁବେଳେ ତାଙ୍କ ପର୍ସନାଲ ଲାଇଫକୁ ନେଇ ଚର୍ଚ୍ଚାରେ ରହି ଆସିଛନ୍ତି ।
