ଅଭିନେତ୍ରୀ ପ୍ରାଚୀ ଦେଶାଇ ବଲିଉଡରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି। ଏହି ଅଭିନେତ୍ରୀ ମାତ୍ର ୧୭ ବର୍ଷ ବୟସରେ ଟେଲିଭିଜନ ଜଗତରେ ପାଦ ରଖିଥିଲେ। ସେ ଖୁବ କମ୍ ବୟସରେ ତାଙ୍କର ପ୍ରଥମ ବଲିଉଡ ଫିଲ୍ମ ‘ରକ୍ ଅନ୍’ ମଧ୍ୟ କରିଥିଲେ। ସେହି ସମୟରେ ପ୍ରାଚୀଙ୍କୁ ମାତ୍ର ୨୦ ବର୍ଷ ବୟସ ହୋଇଥିଲା। କିନ୍ତୁ ତାଙ୍କ କ୍ୟାରିୟର ଅସ୍ଥିର ଥିଲା। କିଛି ଦିନ ପରେ ସେ ଫିଲ୍ମ ଇଣ୍ଡଷ୍ଟ୍ରିରୁ ଅଦୃଶ୍ୟ ହୋଇଯାଇଥିଲେ।
ନିକଟରେ, ଏକ ସାକ୍ଷାତକାରରେ ପ୍ରାଚୀ ତାଙ୍କ ବ୍ୟକ୍ତିଗତ ଜୀବନ ବିଷୟରେ କହିଥିଲେ। ବିବାହକୁ ନେଇ ଏକ ପ୍ରଶ୍ନରେ ସେ କହିଥିଲେ, ‘ମୋ ପରିବାର ଯେପରି ମୋତେ ବଢ଼ାଇଛନ୍ତି, ମୁଁ ବିବାହକୁ ସେତିକି ସୁରକ୍ଷିତ ଏବଂ ଆରାମଦାୟକ ମନେ କରେ ନାହିଁ।
ସେ ଆହୁରି ମଧ୍ୟ କହିଛନ୍ତି ଯେ, ଯେତେବେଳେ ସାଙ୍ଗମାନଙ୍କ ବିବାହ ଦେଖାଦେଖି ଆରମ୍ଭ ହୋଇଥିବା କଥା ଶୁଣେ ସେତେବେଳେ ଆଶ୍ଚର୍ଯ୍ୟ ହୋଇଯାଏ। ମୋ ପରିବାରର ଲୋକମାନେ ଏ ବିଷୟରେ କଦାପି କଥାବାର୍ତ୍ତା ମଧ୍ୟ ହୁଅନ୍ତି ନାହିଁ। ମୁଁ କେତେଥର ଫିଲ୍ମରେ ବିବାହ କରିଛି। ମୋତେ ବିବାହ କରିବାକୁ ଚାହୁଁଥିବା ପୁଅକୁ ବୋହୁତ ପ୍ରସ୍ତୁତ ହେବାକୁ ପଡିବ। ମୁଁ ମୋ ଅନୁଯାୟୀ ଜୀବନ ବଞ୍ଚିବାକୁ ଚାହୁଁଛି। ବିବାହ ପାଇଁ ମୁଁ ମୋର ସ୍ବାଧୀନତା ହରାଇ ପାରିବି ନାହିଁ ବୋଲି ସେ କହିଛନ୍ତି।