ମୁମ୍ବାଇ: ନିଜର ଡ୍ୟାନ୍ସକୁ ନେଇ ସୋସିଆଲ ମିଡିଆରେ ଚର୍ଚ୍ଚାକୁ ଆସିଥିବା ମଧ୍ୟପ୍ରଦେଶର କୁନିଝିଅ ଗୀତ୍ କୌର ବଗା ଏବେ ଛୋଟ ପରଦାରେ ନାଁ କରିଛନ୍ତି। ସୋନି ଟିଭିର ସୁପର ଡ୍ୟାନ୍ସ ଶୋ’ରେ ଗୀତ୍ ନିଜର ପରଫରମାନ୍ସ ଦେଖାଇଛନ୍ତି। ଗୀତ୍ଙ୍କ ଡ୍ୟାନ୍ସ ଦେଖି ଜଜ୍ ଭୂମିକାରେ ବସିଥିବା ବଲିଉଡ୍ ଅଭିନେତ୍ରୀ ଶିଳ୍ପା ସେଟ୍ଟୀ ନିଜକୁ ଆଉ ରୋକି ପାରିଲେନି। ଗୀତ୍ ସହ ତାଳ ଦେଇ ନାଚିବାକୁ ଲାଗିଲେ। ଏବେ ଏହି ଡ୍ୟାନ୍ସର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। ଗୀତ୍ଙ୍କ ଏହି ଡ୍ୟାନ୍ସର ଭିଡିଓକୁ ବଲିଉଡ୍ ସେଲିବ୍ରିଟିମାନେ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଶେୟାର କରିଛନ୍ତି। ହ୍ରିତିକ୍ ରୋଶନ, ଟାଇଗର ଶ୍ରଫ୍ଙ୍କ ପରି ଅଭିନେତା ଏହି ଫଟୋକୁ ଶେୟାର କରିଛନ୍ତି। ଗୀତ୍ ମୁମ୍ବାଇର ବଡ଼ କୋରିଓଗ୍ରାଫରଙ୍କଠାରୁ ଡ୍ୟାନ୍ସ ଶିଖୁଛନ୍ତି। ସୋନି ଟିଭି ଶୋ’ର ସୁପର ଡ୍ୟାନ୍ସରୁ ତାଙ୍କୁ କଲ୍ ଆସିଥିଲା। ସେ ୨୮ ଫେବୃୟାରୀରେ ମୁମ୍ବାଇ ଆସିଥିଲେ। ଏହି ଶୋ’ରେ ୧୦ରୁ ୧୫ ହଜାର ପିଲା ଅଡିଶନ ଦେଇଥିଲେ। ଏଥିରେ ଗୀତ୍ ଟପ୍ ୨୦ ଜଣଙ୍କ ମଧ୍ୟରେ ଚୟନ ହୋଇଥିଲେ।
