ଦୁବାଇ,୧୨।୧୧: ଆଇପିଏଲ୍-୨୦୨୦ର ସଫଳ ଆୟୋଜନ ପରେ ଭାରତୀୟ ଟିମ୍ ଅଷ୍ଟ୍ରେଲିଆ ଗସ୍ତରେ ଯାଇଛନ୍ତି। ସବୁଥର ଭାରତ-ଅଷ୍ଟ୍ରେଲିଆ ମ୍ୟାଚ୍ରେ ରୋମାଞ୍ଚ ଦେଖିବାକୁ ମିଳେ। ଏଣୁ ଏଥିପାଇଁ ଉଭୟ ପ୍ରଶଂସକ ଏବଂ ଖେଳାଳି ସମ୍ପୂର୍ଣ୍ଣ ପ୍ରସ୍ତୁତ ଅଛନ୍ତି। ତେବେ ଆଇପିଏଲ୍ରେ ଆର୍ସିବିର ସଦସ୍ୟ ଥିବା ଆଦାମ ଜାମ୍ପା ବିରାଟଙ୍କ ସହ ଖେଳ ଅନୁଭୂତି ବାଣ୍ଟିଛନ୍ତି। ବିରାଟ ପଡ଼ିଆ ଭିତରେ ଏବଂ ବାହାରେ ଦୁଇଟି ଭିନ୍ନ ମଣିଷ। ସେ ମଇଦାନରେ ବହୁତ ବଡ଼ ପ୍ରତିଯୋଗୀ ହୋଇଥିବା ବେଳେ ପଡ଼ିଆ ବାହାରେ ସମ୍ପୂର୍ଣ୍ଣ ଭିନ୍ନ ବ୍ୟକ୍ତି। ବିରାଟ ଖେଳୁଥିବା ବେଳେ ଆକ୍ରମଣାତ୍ମକ ଲାଗୁଥିଲେ ହେଁ ପଡ଼ିଆ ବାହାରେ ଆରାମରେ ରହିଥାନ୍ତି। ସବୁବେଳେ ବିପକ୍ଷରେ ଖେଳିବା ସମୟରେ ମଇଦାନରେ ଜଣେ କିଭଳି ତାହା ଜଣାପଡେ। ହେଲେ ତାଙ୍କ ସହ କ୍ରିକେଟ ଖେଳିବା ସମୟରେ ସେ ପ୍ରକୃତରେ କିଭଳି ତାହା ଜାଣିବାକୁ ମିଳିଥାଏ। ପଡ଼ିଆ ବାହାରେ ତାଙ୍କୁ ସବୁବେଳେ ହସୁଥିବା ଦେଖିବାକୁ ମିଳିଥାଏ ବୋଲି ଜାମ୍ପା କହିଛନ୍ତି ।