ନୂଆଦିଲ୍ଲୀ,୧୯।୫: ଆଦାନୀ-ହିଣ୍ଡେନବର୍ଗ ମାମଲାରେ ଗଠିତ ବିଶେଷଜ୍ଞ କମିଟି ସୁପ୍ରିମକୋର୍ଟରେ ଏହାର ରିପୋର୍ଟ ଦାଖଲ କରିଛି। ୧୭୩ ପୃଷ୍ଠା ସମ୍ବଳିତର ଏହି ରିପୋର୍ଟରେ କୁହାଯାଇଛି ଯେ, ଏପର୍ଯ୍ୟନ୍ତ ଏସ୍ଇବିଆଇ ଦ୍ୱାରା କରାଯାଇଥିବା ଅନୁସନ୍ଧାନରେ ଆଦାନୀ ଗ୍ରୁପ ଦ୍ୱାରା ଭୂଲ ହୋଇଥିବାର ଦେଖିବାକୁ ମିଳଲା ନାହିଁ। ଅପରପକ୍ଷେ, ହିଣ୍ଡେନବର୍ଗ ରିପୋର୍ଟ ପୂର୍ବରୁ କିଛି ଅନୁଷ୍ଠାନ ଆଦାନୀଙ୍କ ସେୟାର ହ୍ରାସ ପାଇବାରୁ ସେଥିରୁ ମୁନାଫା କରିଥିଲେ।
ପୂର୍ବତନ ବିଚାରପତି ଜଷ୍ଟିସ ଅଭୟ ମନୋହର ସପ୍ରେଙ୍କ ଅଧ୍ୟକ୍ଷତାରେ ଗଠିତ କମିଟିକୁ ହିଣ୍ଡେନବର୍ଗ ରିପୋର୍ଟ ଦ୍ୱାରା ଷ୍ଟକ ମାର୍କେଟରେ ପ୍ରଭାବ ଉପରେ ସମୀକ୍ଷା କରିବାକୁ ସୁପ୍ରିମକୋର୍ଟ କହିଥିଲେ। କମିଟି କହିଛିି ଯେ, ହିଣ୍ଡେନବର୍ଗ ରିପୋର୍ଟ ଦ୍ୱାରା ସେୟାର ବଜାରରେ କେସଣସି ପ୍ରଭାବ ପଡି ନାହିଁ। ପ୍ରାରମ୍ଭରେ ଆଦାନୀଙ୍କ ଷ୍ଟକ୍ ପ୍ରଭାବିତ ହୋଇଥିଲା, କିନ୍ତୁ ପରେ ଏହା ଟ୍ରାକ୍କୁ ଫେରି ଆସିଥିଲା।
କମିଟି କହିଛିି ଯେ, ଏସ୍ଇବିଆଇ ଦ୍ୱାରା ଚାଲିଥିବା ତଦନ୍ତ ଏବେ ବି ଜାରି ରହିଛି। ଏଥିଲାଗି କମିଟି ସମୟ ମାଗିଛନ୍ତି। ଆଦାନୀଙ୍କ ସହ ସଂପୃକ୍ତ ୧୩ଟି ବିଦେଶୀ ସଂସ୍ଥା ଉପରେ ସମ୍ପୂର୍ଣ୍ଣ ରିପୋର୍ଟ ଏପର୍ଯ୍ୟନ୍ତ ମିଳିବା ବାକି ଅଛି ବୋଲି କମିଟି କହିଛି।