ଖଣ୍ଡପଡ଼ା,୩ା୬(ସ୍ବ.ପ୍ର.): ଜବର ଦଖଲକାରୀଙ୍କ କବ୍ଜାରେ ଆଦର୍ଶ ବିଦ୍ୟାଳୟ ଜାଗା ା ସଂପୃକ୍ତ ବିଦ୍ୟାଳୟ ପାଚେରି ନିର୍ମାଣ ପାଇଁ ଅର୍ଥ ମଞ୍ଜୁର ହୋଇଥିଲେ ମଧ୍ୟ ଜବରଦଖଲ ଯୋଗୁ ନିର୍ମାଣ କାର୍ଯ୍ୟ ହୋଇ ପାରୁନି ା ଫଳରେ ମଞ୍ଜୁର ଅନୁଦାନ ଅର୍ଥ ଫେରିଯିବା ନେଇ ଆଶଙ୍କା ପ୍ରକାଶ ପାଇଛି ା ଖଣ୍ଡପଡା ବାଇପାସ୍ ରାସ୍ତା ପାର୍ଶ୍ୱରେ ଅବସ୍ଥିତ ଓଡ଼ିଶା ଆଦର୍ଶ ବିଦ୍ୟାଳୟ ପଛପାଖ ପାଚେରି ନିର୍ମାଣ ନିମନ୍ତେ ୧୫ ଲକ୍ଷ ଟଙ୍କା ମଞ୍ଜର ହୋଇ ଗତ ବର୍ଷକ ତଳେ ଟେଣ୍ଡର ପ୍ରକ୍ରିୟା ଶେଷ ହୋଇ ଜଣେ ଠିକାଦାରଙ୍କୁ ପ୍ରାଚୀର ନିର୍ମାଣ ନିମନ୍ତେ କାର୍ଯ୍ୟାଦେଶ ପତ୍ର ପ୍ରଦାନ କରାଯାଇଛି ା
ମାତ୍ର ପ୍ରାଚୀର ନିର୍ମାଣ ସ୍ଥାନରେ ଜବର ଦଖଲକାରୀମାନେ ସ୍ଥାୟୀ ବାସଗୃହ ନିର୍ମାଣ କରି ରହୁଥିବାରୁ କାର୍ଯ୍ୟାଦେଶ ପାଇଥିବା ଠିକାଦାର ପାଚେରି ନିର୍ମାଣ କରି ନ ପାରି ଏ ସମ୍ପର୍କରେ ପୂର୍ତ୍ତ ବିଭାଗ ଉଚ୍ଚ କତ୍ତୃପକ୍ଷ, ତହସିଲ ପ୍ରଶାସନର ଦୃଷ୍ଟି ଆକର୍ଷଣ କରିଥିଲେ ହେଁ କୌଣସି ସୁଫଳ ମିଳି ନ ଥିଲା ା
ପାଚେରି ନିର୍ମାଣ ନିମନ୍ତେ କାର୍ଯ୍ୟାଦେଶ ପାଇବାର ବର୍ଷେ ପରେ ବି ପ୍ରାଚୀର ନିର୍ମାଣ ହୋଇ ନ ପାରିବାରୁ ଅନୁଦାନ ଅର୍ଥ ଫେରିଯିବାର ଆଶଙ୍କା ପ୍ରକାଶ ପାଇଛି ା ପ୍ରଶାସନିକ ଉଦାସୀନତା ଯୋଗୁଁ ଏଭଳି ସମସ୍ୟା ସୃଷ୍ଟି ହୋଇଥିବା ଅଭିଯୋଗ ହେଉଛି ାଏଥିପ୍ରତି ଜିଲାପାଳ ଓ ବିଭାଗୀୟ ଉଚ୍ଚ କତ୍ତୃପକ୍ଷ ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି ା