ନୂଆଦିଲ୍ଲୀ,୨୯ ।୫ : ଚାରିପଟରୁ ଘେରିବା ପରେ ସରକାର ଆଧାର କାର୍ଡକୁ ନେଇ ଜାରି କରିଥିବା ନୂଆ ଆଡଭାଇଜରୀକୁ ଫେରାଇ ନେଇଛନ୍ତି । ଏହାସହ ଏହାକୁ ଏକ ସାମାନ୍ୟ ଗତିବିଧି ବୋଲି କହିଛନ୍ତି ।
ଇଲୋକ୍ଟେଆନିକ୍ସ ଓ ସୂଚନା ପ୍ରାଦ୍ଦ୍ୟୋଗିକ ମନ୍ତ୍ରଣାଳୟ ଏକ ବୟାନରେ କହିଛି, ଭାରତୀୟ ବିଶିଷ୍ଟ ପରିଚୟ ପ୍ରାଧିକାରଣ(ୟୁଆଇଡିଏଆଇ)ର ଲାଟେଷ୍ଟ ଆଡଭାଇଜରୀକୁ ତତ୍କାଳ ପ୍ରଭାବରୁ ଫେରାଇ ନିଆଯାଇଛି । ଏହାକୁ ଭୁଲ ଅର୍ଥରେ ବୁଝିବା ସମ୍ଭାବନା ଥିବାରୁ ସରକାର ଏହି ନିଷ୍ପତ୍ତି ନେଇଛନ୍ତି । ୟୁଆଇଡିଏଆଇ ଆଧାର ନମ୍ବର ଶେୟାର କରିବାର ସାମନ୍ୟା ପ୍ରକ୍ରିୟା ବିଷୟରେ ପରାମର୍ଶ ଦେବାକୁ ଏକ ପ୍ରେସ ରିଲିଜ ଜାରୀ କରିଥିଲେ । ଯାହା ଏକ ସାମାନ୍ୟ ଗତିବିଧି ଥିଲା ।
ଏହାସହ ସରକାର ସାଧାରଣ ଲୋକଙ୍କୁ ପୁଣିଥରେ ଭରସା ଦେଇଛନ୍ତି, ଆଧାର ପରିଚୟର ଇକୋସିଷ୍ଟମ ସୁରକ୍ଷିତ ଅଛି । କାର୍ଡଧାରକଙ୍କ ପରିଚୟ ଓ ପର୍ସନାଲ ସୁରକ୍ଷା ପାଇଁ ଏଥିରେ ପର୍ଯ୍ୟାପ୍ତ ସୁରକ୍ଷା ଫିଚର୍ସ ଦିଆଯାଇଛି ।
ସୂଚନାଯୋଗ୍ୟ, ୟୁଆଇଡିଏଆଇ କ୍ଷେତ୍ରୀୟ କାର୍ଯ୍ୟାଳୟ ପକ୍ଷରୁ ନିକଟରେ ଏକ ନୂଆ ଆଧାର ଆଡଭାଇଜରୀ ଜାରି କରାଯାଇଥିଲା । ଏଥିରେ କୁହାଯାଇଥିଲା କି କୌଣସି ସଂସ୍ଥାକୁ ଆଧାର କାର୍ଡର ଫଟୋକପି ଦେବା ଉଚିତ ନୁହେଁ । କାରଣ ଏହାର ଦୂରୁପଯୋଗ ହୋଇପାରେ । ଏହା ସ୍ଥାନରେ ଆପଣ ମାସ୍କଡ ଆଧାରର ବ୍ୟବହାର କରିପାରିବେ । ମାସ୍କଡ ଆଧାରରେ ଆପଣଙ୍କ ଆଧାର କାର୍ଡରେ ଥିବା ୧୨ ଡିଜିଟ ନମ୍ବର ସମ୍ପୂର୍ଣ୍ଣ ଭାବେ ଦେଖାଯିବ ନାହିଁ । ମାସ୍କଡ ଆଧାର କାର୍ଡରେ କେବଳ ଶେଷ ୪ ଡିଜିଟ ନମ୍ବର ଦେଖାଯିବ । ଏହାକୁ ଆପଣମାନେ ଅନଲାଇନ ବି ପାଇପାରିବେ । ହେଲେ ଏହାକୁ ଏବେ ସରକାର ଫେରାଇ ନେଇଛନ୍ତି ।