ମୁମ୍ବାଇ: ସାଉଥ୍ ଷ୍ଟାର ପ୍ରଭାସ, କ୍ରିତି ସାନନ ଓ ଶୈଫ ଅଲି ଖାଁ ଷ୍ଟାରର ଅପକମିଂ ଫିଲ୍ମ ଆଦିପୁରୁଷର ଟିଜର ରିଲିଜ ହେବା ପରେ ଫିଲ୍ମ ଲଗାତାର ଭାବେ ବିବାଦରେ ରହି ଆସୁଛି । ପ୍ରଥମେ ଫିଲ୍ମକୁ ସୋସିଆଲ ମିଡିଆରେ ଟ୍ରୋଲର ସାମ୍ନା କରିବାକୁ ପଡିଲା । ପୁଣି ସର୍ବ ବ୍ରାହ୍ମଣ ମହାସଭା ରାମାୟଣର ଇସଲାମିକରଣ କରିଥିବା ଅଭିଯୋଗ ଆଣି ଫିଲ୍ମର ନିର୍ଦ୍ଦେଶକ ଓମ ରାଉତଙ୍କ ନାମରେ ଲିଗାଲ ନୋଟିସ ପଠାଇଲା । ଏହା ସହ ଚେତାବନୀ ଦିଆଗଲା କି ୭ ଦିନ ମଧ୍ୟରେ ଫିଲ୍ମରୁ ବିବାଦୀୟ ଦୃଶ୍ୟ ନ ହଟାଇଲେ ଆଇନଗତ କାର୍ଯ୍ୟାନୁଷ୍ଠାନ କରାଯିବ । ଏବେ ଏହାର ପୋଷ୍ଟର ଚୋରି କରାଯାଇଥିବା ଅଭିଯୋଗ ହୋଇଛି ।
ସୂଚନାଯୋଗ୍ୟ, ଏକ ଆନିମେଶନ ଷ୍ଟୁଡିଓ ବାନରସେନା ବାଦି କରିଛି କି ଆଦିପୁରୁଷର ପୋଷ୍ଟର ଚୋରି କରାଯାଇଛି । ଷ୍ଟିଡିଓ ଇନଷ୍ଟାଗ୍ରାମରେ ଆଦିପୁରଷର ପୋଷ୍ଟର ସହ ଭଗବାନ ଶିବଙ୍କ ପୋଷ୍ଟର କୋଲାଜ କରି ଶେୟାର କରିଛି । ଷ୍ଟୁଡିଓର ପୋଷ୍ଟରରେ ଭଗବାନ ଶିବ ହାତରେ ଧନୁ ଧରିଥିବା ଦେଖାଯାଇଛି ଆଉ ଠିକ୍ ସେହିଭଳି ଭାବେ ପ୍ରଭାସ ହାତରେ ଧନୁ ଧରିଥିବାର ନଜର ଆସିଛି ।
ଷ୍ଟୁଡିଓ କହିଛି ଟି ସିରିଜ ଲଜ୍ୟା କରିବା କଥା । ଆପଣ ଅରିଜନାଲ କ୍ରିଏଟରକୁ ଟ୍ୟାଗ କରିବାର ଥିଲା ଯିଏ ଏହାକୁ ପ୍ରସ୍ତୁତ କରିଛନ୍ତି । ସୂଚନାଯୋଗ୍ୟ, ଆନିମେଶନ ଷ୍ଟୁଡିଓ ପରେ ଏହି ପୋଷ୍ଟକୁ ଡିଲିଟ କରି ଦେଇଛି । ବାନରସେନା ଆନିମେଶନ ଷ୍ଟୁଡିଓର ଆର୍ଟିଷ୍ଟ ବିବେକ ରାମ ଲିଙ୍କଡଇନରେ ବି ଫିଲ୍ମ ମେକର୍ସଙ୍କୁ ଦୋଷାରୋପ କରିଛନ୍ତି । ସେ କହିଛନ୍ତି ତାଙ୍କ ଆର୍ଟୱାର୍କକୁ ଫିଲ୍ମ ମେକର୍ସ ବ୍ୟବହାର କରିଛନ୍ତି ।
