ବମ୍ବେ: କିଛି ମାସ ପୂର୍ବେ ଫିଲ୍ମ ‘ଓ୍ବାର ୨’କୁ ନେଇ ଘୋଷଣା କରିଥିଲେ ନିର୍ମାତା ଆଦିତ୍ୟ ଚୋପ୍ରା। ଫିଲ୍ମରେ ସୁପରଷ୍ଟାର ହ୍ରିତିକ ରୋଶନଙ୍କ ସହ ସାଉଥ୍ ଷ୍ଟାର ଜୁନିୟର ଏନ୍ଟିଆର ନଜର ଆସିବେ। ଏହାଛଡ଼ା ଅଭିନେତ୍ରୀ କିଆରା ଆଡଭାଣୀ ମୁଖ୍ୟ ଭୂମିକାରେ ଅଭିନୟ କରିବେ ବୋଲି କୁହାଯାଉଛି। ଏଭଳି ସ୍ଥିତିରେ ଏବେ ଏହାର ରିଲିଜ୍ ଡେଟ୍ ଲକ୍ ହୋଇଛି।
‘ଅଗ୍ନିପଥ’ ଏବଂ ‘ପଠାନ୍’ ଆଦି ଫିଲ୍ମ ସ୍ବାଧୀନତା ଦିସରେ ରିଲିଜ ହୋଇ ହିଟ୍ ହୋଇଥିଲା। ଏହାକୁ ଦୃଷ୍ଟିରେ ରଖି ୨୦୨୫ର ସ୍ବାଧୀନତା ଦିବସ ଅବସରରେ ‘ଓ୍ବାର ୨’ ରିଲିଜ କରାଯିବ ବୋଲି କୁହାଯାଉଛି। ତେବେ ବଡ଼ ପରଦାରେ ଦୁଇ ହିଟ୍ ଷ୍ଟାରଙ୍କ ଆକ୍ସନ ଦେଖିବାକୁ ଦର୍ଶକ ଅପେକ୍ଷା କରି ରହିଛନ୍ତି।
