ମୁମ୍ବାଇ: ବଲିଉଡ୍ ଗାୟକ ଉଦିତ ନାରାୟଙ୍କ ସୁପୁତ୍ର ତଥା ହୋଷ୍ଟ, ଆକ୍ଟର ଓ ସିଙ୍ଗର ଆଦିତ୍ୟ ନାରାୟଣ ଡିସେମ୍ବର ୧ରେ ବିବାହ କରିବାକୁ ଯାଉଛନ୍ତି । ସେ ତାଙ୍କ ଲଙ୍ଗ ଟାଇମ୍ ଗର୍ଲ ଫ୍ରେଣ୍ଡ ଶ୍ୱେତା ଅଗ୍ରୱାଲଙ୍କୁ ବିବାହ କରିବେ । ଏଥିପାଇଁ ପ୍ରସ୍ତୁତି ଯୋରସୋରରେ ଚାଲିଛି । ମନ୍ଦିରରେ କେବଳ ପରିବାର ସଦସ୍ୟ ଓ ବନ୍ଧୁଙ୍କୁ ନେଇ ବିବାହ ସମ୍ପନ୍ନ କରାଯିବ । ଏହାପରେ ମୁମ୍ବାଇର ଏକ ହୋଟେଲେ ଗ୍ରାଣ୍ଡ ରିସେପଶନ ପାର୍ଟି ରଖାଯାଇଛି । ଅବଶ୍ୟ ଏଥିରେ ମାତ୍ର ୫୦ ଜଣ ବଛା ବଛା ଅତିଥିଙ୍କୁ ନିମନ୍ତ୍ରଣ ମିଳିଥିବା କହିଛନ୍ତି ପିତା ଉଦିତ । ଯଦିଓ ସେ ପୁଅ ଆଦିତ୍ୟଙ୍କ ବାହାଘର ଧୁମଧାମରେ କରିବାକୁ ଚାହୁଁଥିଲେ କିନ୍ତୁ କରୋନା ମହାମାରୀ ପାଇଁ ଏହାକୁ କମ୍ କରିଦେବାକୁ ପଡିଛି ବୋଲି ସେ ଏକ ସାକ୍ଷାତ୍କାରରେ କହିଛନ୍ତି । ତେବେ ମୁମ୍ବାଇରେ ଆୟୋଜିତ ଗ୍ରାଣ୍ଡ ରିସେପଶନ ପାର୍ଟିରେ ବଲିଉଡ୍ ମହାନାୟକ ଅମିତାଭ ବଚ୍ଚନ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନିମନ୍ତ୍ରଣ ମିଳିଥିବା ଜଣାପଡିଛି । ସେପ୍ଟେମ୍ବର ୨ରେ ରିସେପଶନ ଥିବା ବେଳେ ଏପର୍ଯ୍ୟନ୍ତ ଏହାର ଭେନ୍ୟୁ ସମ୍ପର୍କରେ ସଠିକ୍ ଜଣାପଡିନାହିଁ ।
