ମୁମ୍ବାଇ: ବଲିଉଡ୍ର ପପୁଲାର ଗାୟକ ଉଦିତ ନାରାୟଣଙ୍କ ପୁଅ ତଥା ଆକ୍ଟର-ହୋଷ୍ଟ-ସିଙ୍ଗର ଆଦିତ୍ୟ ନାରାୟଣ ଅଭିନେତ୍ରୀ ଶ୍ୱେତା ଅଗ୍ରଓ୍ବାଲଙ୍କୁ ବିବାହ କରିଛନ୍ତି। ବି-ଟାଉନର ଏହି ଲଭ୍ବାର୍ଡ ଡିସେମ୍ବର ୧ରେ ବିବାହ ବନ୍ଧନରେ ବାନ୍ଧି ହୋଇଛନ୍ତି। ମୁମ୍ବାଇର ଏକ ମନ୍ଦିରରେ ଦୁହେଁ ବିବାହ କରିଥିବା ଜଣାପଡ଼ିଛି। ବିବାହ ସମୟରେ କିଛି ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏଥିରେ ଦୁହେଁ ବେଶ୍ ସୁନ୍ଦର ଦେଖାଯାଉଛନ୍ତି।
ତେବେ ବିବାହ ପରେ ଆଦିତ୍ୟ କହିଛନ୍ତି, ଶେଷରେ ତାଙ୍କର ଓ ଶ୍ୱେତାଙ୍କ ବିବାହ ହୋଇଛି। ଏହା ଏକ ସ୍ବପ୍ନ ଭଳି ଥିବା ବେଳେ ଆଜି ପୂରା ହୋଇଛି। ଶ୍ୱେତାଙ୍କ ଭଳି ଜୀବନସାଥି ପାଇ ବେଶ୍ ଖୁସି ଅଛନ୍ତି ବୋଲି ସେ କହିଛନ୍ତି। ତେବେ ସବୁଠାରୁ ବିଶେଷତଃ କଥା ହେଲା ବାପା ଆଦିତ୍ୟ ନାରାୟଣଙ୍କ ଜନ୍ମଦିନ ଅବସରରେ ଆଦିତ୍ୟ ବିବାହ ବନ୍ଧନରେ ବାନ୍ଧି ହୋଇଛନ୍ତି। ଏହି ଅବସରରେ ଆଦିତ୍ୟ ଘରକୁ ବୋହୁ ଆଣି ବାପାଙ୍କୁ ବଡ଼ ଉପହାର ଦେଇଛନ୍ତି ବୋଲି ଉଦିତ କହିଛନ୍ତି। କରୋନା ମହାମାରୀ ଯୋଗୁ ବିବାହ ଉତ୍ସବରେ ବହୁ କମ୍ ଲୋକ ସାମିଲ ହୋଇଥିଲେ। ସେହିପରି କୋଭିଡ-୧୯ ପ୍ରୋଟୋକଲକୁ ପାଳନ କରି କମ୍ ଲୋକଙ୍କ ଉପସ୍ଥିତିରେ ରିସେପ୍ସନ ପାର୍ଟି ରଖାଯିବ। ଏହାକୁ ସ୍ମରଣୀୟ କରିବା ପାଇଁ ବାପାଙ୍କ ଗୀତ ‘ପହଲା ନଶା’ରେ ଆଦିତ୍ୟ ଓ ଶ୍ୱେତା ଡାନ୍ସ କରିବେ ବୋଲି ଜଣାପଡ଼ିଛି।