ମୁମ୍ବାଇ: ବଲିଉଡ ସୁପରଷ୍ଟାର ଶାହରୁଖ ଖାନଙ୍କ ଅପକମିଙ୍ଗ୍ ଚଳଚ୍ଚିତ୍ର ‘ପଠାନ’କୁ ସମସ୍ତେ ଉତ୍ସାହର ସହିତ ଅପେକ୍ଷା କରିଛନ୍ତି। ତେବେ ବିଦେଶରେ ‘ପଠାନ’ ଆଡଭାନ୍ସ ଟିକେଟ୍ ବୁକିଂରେ ବମ୍ପର ରୋଜଗାର କରିଛି । ଏଭଳି ପରିସ୍ଥିତିରେ ଭାରତରେ ଏହି ଚଳଚ୍ଚିତ୍ର ପାଇଁ ଆଡଭାନ୍ସ ଟିକେଟ୍ ବୁକିଂ ଆଜିଠାରୁ ଆରମ୍ଭ ହୋଇଛି। ତେବେ ଭାରତରେ ଆଡଭାନ୍ସ ବୁକିଂ ୱିଣ୍ଡୋ ଖୋଲିବା ମାତ୍ରେ ଆଡଭାନ୍ସ ବୁକିଂରେ ଲକ୍ଷ ଲକ୍ଷ ଟଙ୍କା ରୋଜଗାର କରିଛି।
ବଲିଉଡ ଚଳଚ୍ଚିତ୍ର ସମୀକ୍ଷକ ତରଣ ଆଦର୍ଶ ତାଙ୍କ ଅଫିସିଆଲ ଇନଷ୍ଟାଗ୍ରାମ ହ୍ୟାଣ୍ଡେଲରେ ଏକ ନୂତନ ପୋଷ୍ଟ ଶେୟାର କରିଛନ୍ତି। ଏହି ପୋଷ୍ଟରେ ସୁପରଷ୍ଟାର ଶାହାରୁଖ ଖାନଙ୍କ ଫିଲ୍ମ ‘ପଠାନ’ ପାଇଁ ଆଡଭାନ୍ସ ଟିକେଟ୍ ବୁକିଂ ସମ୍ବନ୍ଧରେ ସବିଶେଷ ରିପୋର୍ଟ ଦିଆଯାଇଛି। ରିପୋର୍ଟ ଅନୁଯାୟୀ, ଗୁରୁବାର ପର୍ଯ୍ୟନ୍ତ ୧ଲକ୍ଷ ୧୭ ହଜାର ଅତିକ୍ରମ କରିଛି। ଯେଉଁଥିରେ ପିଭିଆର୍ର ୫୧ ହଜାର, ଆଇନକ୍ସ- ୩୮ ହଜାର, ଏବଂ ସିନେପଲିସ- ୨୭ ହଜାର ଆଡଭାନ୍ସ ବୁକିଂରେ ରୋଜଗାର କରିଛି। ତେବେ ଶାହରୁଖଙ୍କ ‘ପଠାନ’ ବକ୍ସ ଅଫିସରେ ଉଦ୍ଘାଟନୀ ଦିନରେ ରେକର୍ଡ ସୃଷ୍ଟି କରିପାରିବ ବୋଲି କୁହାଯାଉଛି।
