ସୋରଡା,୨୩।୧: ଭାଜପାର ଏକ ବିଶାଳ ସମାବେଶ ସ୍ଥାନୀୟ କରଡାବାଡି ଗ୍ରାମରେ ଶୁକ୍ରବାର ଅପରାହ୍ନରେ ଅନୁଷ୍ଠିତ ହୋଇଯାଇଛି । ରାଷ୍ଟ୍ରୀୟ କାର୍ଯ୍ୟ କାରିଣୀ ସଦସ୍ୟା ମାଧବି ଭୁତ୍ତେ, ରାଜ୍ୟ କାର୍ଯ୍ୟକାରିଣୀ ସଭ୍ୟ ନୀଳମଣି ବିଶୋଈ, ରାଜ୍ୟ ଉପସଭାନେତ୍ରୀ ଅନିତା ପ୍ରିୟଦର୍ଶନୀ, ଘୁମୁସର ଜିଲା ସଭାନେତ୍ରୀ ମଧୁସ୍ମିତା ପୋଲେଇ, ଘୁମୁସର ଜିଲା ସଭାପତି ଗୋକୁଳାନନ୍ଦ ମଲ୍ଲିକ, କୃଷକ ମୋର୍ଚ୍ଚା ସଭାପତି ରବୀନ୍ଦ୍ର ପାତ୍ର ପ୍ରମୁଖ ଯୋଗଦେଇଥିଲେ। ନେତୃବୃନ୍ଦ ଗୋପାଳ ପୂରାଶାସନରେ ପହଞ୍ଚିବା ପରେ ସରପଞ୍ଚ ଦେବରାଜ ମଲିକ ଏବଂ ତାଙ୍କ ସମର୍ଥକ ଏକ ବାଇକ୍ ଶୋଭାଯାତ୍ରାରେ ଆସି ବ୍ଲକ କାର୍ଯ୍ୟାଳୟ ପରିସରରେ ଚାଲିଥିବା ଅଙ୍ଗନଓ୍ବଡି କର୍ମୀଙ୍କ ଧାରଣା ସ୍ଥଳକୁ ଯାଇ ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ। ପରେ କରଡାବାଡି ସମାବେଶ ସ୍ଥଳକୁ ଯାଇଥିଲେ। ଏହି ଅବସରରେ କେନ୍ଦ୍ର ସରକାରଙ୍କ ଗ୍ରାମାଞ୍ଚଳ ବିକାଶ ଯୋଜନାଗୁଡିକର ସଫଳ ରୂପାୟନ ପାଇଁ କର୍ମକର୍ତ୍ତା କର୍ମୀଙ୍କୁ କହିଥିଲେ। ଏପରିକି ଦଳୀୟ ସଙ୍ଗଠନକୁ ମଜଭୁତ କରିବାକୁ ପରାମର୍ଶ ଦେଇଥିଲେ। ଏପରି କି କେନ୍ଦ୍ର ସରକାରୀ କୃଷି ଓ କୃଷକଙ୍କ ବିକାଶ ପାଇଁ ନିଆଯାଇଥିବା ପଦକ୍ଷେପ ଉପରେ ମଲିକ କହିଥିଲେ। ମଣ୍ଡଳ ସଭାପତି ବୁଲୁ ସାଇଁ, ଶିବ ଦିଗାଳ, ଭଗବାନ ମୁନି, ନଗର ସଭାପତି ଭି. ଜଗଦିଶ ରାଜୁ ପ୍ରମୁଖ ପରିଚାଳନା କରିଥିବା ବେଳେ ସରପଞ୍ଚ ମଲିକ, ବରିଷ୍ଠ ନେତା ସୁରେନ୍ଦ୍ର ସାହୁ ପ୍ରମୁଖ କାର୍ଯ୍ୟକ୍ରମକୁ ସହଯୋଗ କରିଥିଲେ।