ମୁମ୍ବାଇ: ବଲିଉଡରେ ଏବେ ଜଣେ ଆଗଧାଡିର ନାୟିକା ହେଲେ ସାରା ଅଲି ଖାଁ । ସେ ତାଙ୍କ ଅଭିନୟର ଯାଦୁରେ ଦର୍ଶକଙ୍କୁ ବାନ୍ଧି ରଖିବାରେ ସକ୍ଷମ ହୋଇଛନ୍ତି । ଏବେ ସାରାଙ୍କୁ ଏକ ସମ୍ପୂର୍ଣ୍ଣ ଭିନ୍ନ ଚରିତ୍ରରେ ଦେଖିବାକୁ ମିଳିବ । ଏବେ ତାଙ୍କ ଅପକମିଂ ଫିଲ୍ମର ଫାଷ୍ଟ ଲୁକ୍ ରିଲିଜ୍ ହୋଇଯାଇଛି । କନ୍ନନ ଅୟରଙ୍କ ଦ୍ୱାର ନିର୍ଦ୍ଦେଶିତ ଫିଲ୍ମରେ ସାରା ଜଣେ ବାହାଦୂର ସ୍ୱତନ୍ତ୍ରତା ସେନାନୀର ଭୂମିକାରେ ନଜର ଆସିବେ । ଏହା ସତ ଘଟଣା ଉପରେ ଆଧାରିତ ଏକ ଥ୍ରିଲର-ଡ୍ରାମା ମୁଭି ବୋଲି କୁହାଯାଉଛି । ‘ ଏ ୱତନ ମେରେ ୱତନ’ ଟିଜରରେ ସାରାଙ୍କୁ ସ୍ୱାଧିନତା ପୂର୍ବର ରିଟ୍ରୋ ଲୁକରେ ଦେଖିବାକୁ ମିଳିବ । ସେ ଶାଢିରେ ଏକ ରେଡିଓ ଭଳି ଡିଭାଇସକୁ ଏକାଠି କରିବାକୁ ବସିବା ପୂର୍ବରୁ ଏକ କୋଠରୀରେ ସବୁ ପରଦାକୁ ତଳକୁ ଟାଣୁଥିବା ଦେଖାଯାଇଛି । ଏହାକୁ ଲଗାଇବା ପରେ ସେ କହିଛନ୍ତି, ଇଂରେଜମାନେ ଭାବୁଛନ୍ତି ଭାରତ ଛୋଡୋ ଆନ୍ଦୋଳନ ଉପରେ ଅଙ୍କୁଶ ଲଗାଯାଇଛି, ହେଲେ ସ୍ୱାଧିନତାର ସ୍ୱର କେବେ ବନ୍ଦି ହୋଇ ନ ଥାଏ, ଏହା ହିନ୍ଦୁସ୍ତାନର ଆୱାଜ, ହିନ୍ଦୁସ୍ତାନ କେଉଁଠି, କେବେବି । ଏହି ସମୟରେ କବାଟରେ ଜୋରରେ ଆଘାତ ଲାଗିବାରୁ ତାଙ୍କ ଭାଷଣରେ ବାଧା ଉପୁଜୁଛି ଓ ସାରାଙ୍କ ଚେହେରାରେ ଭୟ ଦେଖାଯାଇଛି ।
ଫିଲ୍ମକୁ ନେଇ ସାରା କହିଛନ୍ତି, ମୁଁ ବହୁତ ଇତ୍ସାହିତ ଅଛି ଓ ଖୁବ୍ ସମ୍ମାନ ବୋଧ କରୁଛି କି ପ୍ରାଇମ ଭିଡିଓ ଓ ଧର୍ମାଟିକ ଏଣ୍ଟରଟେନମେଣ୍ଟ ମୋତେ ଏମିତି ଏକ ଫିଲ୍ମର ଅଂଶ ହେବାର ଅବସର ଦେଇଛି । ମୁଁ ଭାବୁଛି ଏହା କହିବାର ଯୋଗ୍ୟ, ଜଣେ ଅଭିନେତ୍ରୀ ଭାବେ, ଆଉ ଏହାଠାରୁ ବି ମହତ୍ୱପୂର୍ଣ୍ଣ ଜଣେ ଭାରତୀୟ ଭାବେ ମୋତେ ଗର୍ବ ଅନୁଭବ ହେଉଛି କି ମୁଁ ଏମିତି ଏକ କ୍ୟାରେକ୍ଟର ପ୍ଲେ କରିବାକୁ ସକ୍ଷମ ଯିଏ ବାହାଦୂରି, ଶକ୍ତି ଓ ସାହସକୁ ପ୍ରତିନିଧିତ୍ୱ କରୁଛି । ଏପଟେ ଫିଲ୍ମର ଟ୍ରେଲରକୁ ଦର୍ଶକେ ଖୁବ୍ ପସନ୍ଦ କରିଛନ୍ତି, କିଛି ଘଣ୍ଟା ମଧ୍ୟରେ ଦର୍ଶକେ ଟ୍ରେଲର ଦେଖି କମେଣ୍ଟ କରିବା ଆରମ୍ଭ କରିଦେଇଛନ୍ତି ।
ସାରା କହିଛନ୍ତି କନ୍ନନ ଅୟର ସାରଙ୍କ ସହ କାମ କରିବା ଏକ ବିଶେଷାଧିକାର କାରଣ ସେ ନିଜେ ଏହି କାହାଣୀରେ ବହୁତ ଭାବୁକ ଓ ଭାବନାତ୍ମକ ରୂପରେ ଯୋଡି ହୋଇଛନ୍ତି । ନିଶ୍ଚତ ଭାବେ ଏମିତି ଏକ କ୍ରାରେକ୍ଟରରେ କାମ କରିବା ଏକ ଚ୍ୟାଲେଞ୍ଜ, ଆଉ ମୋ ପାଇଁ ଏହା ସବୁଠାରୁ ଭିନ୍ନ ଓ ପ୍ରଥମ । ବାସ୍ତବରେ ଏହା ଏମିତି ଏକ ପ୍ରୋଜେକ୍ଟ ଯାହା ଉପରେ ମୁଁ ଖ୍ରୁବ୍ ପରିଶ୍ରମ କରିବାକୁ ଯାଉଛି ।
ଭିଡିଓର ଡେସକ୍ରିପଶନ ଅନୁଯାୟୀ, ଏ ୱତନ ମେରେ ୱତନ, ବମ୍ବେରେ ଜଣେ କଲେଜ ଛାତ୍ରୀଙ୍କ ନିଡର ଯାତ୍ରାର ଅନୁସରଣ କରି ସେ ଜଣେ ସ୍ୱତନ୍ତ୍ରତା ସେନାନୀ ହୋଇଯାଉଛନ୍ତି । ଏହି ଫିଲ୍ମ ୧୯୪୨ର ଭାରତ ଛୋଡୋ ଆନ୍ଦୋଳନର ବ୍ୟାକଗ୍ରାଉଣ୍ଡ ଉପରେ ଆଧାରିତ ଓ ଏହା ଦେଶର ଯୁବକଙ୍କୁ ସାହସ, ଦେଶଭକ୍ତି ଓ ବଳିଦାନର କାହାଣୀ କହୁଛି ।