ନୂଆଦିଲ୍ଲୀ, ୨୮ା୩ (ପି.ଟି.)-ଏଏଫ୍ସି କପ୍ରେ ଅଲ୍ ଟାଇମ୍ ବେଷ୍ଟ ଥ୍ରୀ ପୁରସ୍କାର ଦୌଡ଼ରେ ରହିଥିବା ୧୩ଜଣ ଷ୍ଟ୍ରାଇକରଙ୍କ ମଧ୍ୟରେ ଭାରତୀୟ ଫୁଟ୍ବଲ ଦଳର ଅଧିନାୟକ ସୁନିଲ ଛେତ୍ରୀ ଅନ୍ୟତମ ରହିଛନ୍ତି। ଏଏଫ୍ସି କପ୍ ହେଉଛି ମହାଦେଶର ଦ୍ୱିତୀୟ ପାହ୍ୟା କ୍ଲବ ପ୍ରତିଯୋଗିତା। ୨୦୧୩ରେ ଚର୍ଚ୍ଚିଲ ବ୍ରଦର୍ସ ଦଳ ତରଫରୁ ଏଏଫ୍ସି କପ୍ ଖେଳିବା ପରଠାରୁ ୩୬ ବର୍ଷୀୟ ଛେତ୍ରୀ ଚାରୋଟି ସଂସ୍କରଣରେ ୧୮ଗୋଲ ସ୍କୋର କରିଛନ୍ତି। ସେ ପରେ ୨୦୧୬, ୨୦୧୭ ଓ ୨୦୧୮ରେ ବେଙ୍ଗାଲୁରୁ ଏଫ୍ସି ତରଫରୁ ଏଏଫ୍ସି କପ୍ ଖେଳିଥିଲେ। ବେଙ୍ଗାଲୁରୁ ଏଫ୍ସି ଦଳର ଅଧିନାୟକ ରହିଥିବାବେଳେ ସେ ପ୍ରତିଯୋଗିତାରେ ତାଙ୍କ ଶ୍ରେଷ୍ଠ ସଫଳତା ହାସଲ କରିଥିଲେ। ଫାଇନାଲରେ ଇରାକ ଏୟାର ଫୋର୍ସ କ୍ଲବଠାରୁ ପରାସ୍ତ ହୋଇ ତାଙ୍କ ଦଳ ରନର୍ସଅପ୍ ହୋଇଥିଲା। ଛେତ୍ରୀ ହେଉଛନ୍ତି ଆଧୁନିକ ଭାରତୀୟ ଫୁଟ୍ଲର ଜଣେ ଆଇକନିକ ଚରିତ୍ର। ଜାତୀୟ ଦଳ ତରଫରୁ ସେ ୭୨ ଗୋଲ କରିସାରିଛନ୍ତି। ଫୁଟ୍ବଲପ୍ରେମୀମାନଙ୍କୁ ଭୋଟ ଜରିଆରେ ଅଲ୍ ଟାଇମ୍ ବେଷ୍ଟ ଥ୍ରୀ ପୁରସ୍କାର ବିଜେତା ବଛାଯିବ।