ତାଶକେଣ୍ଟ,୨୬ା୧୦: ତାଶକେଣ୍ଟର ଲୋକୋମୋଟିଭ ଷ୍ଟାଡିୟମରେ ଅନୁଷ୍ଠିତ ମହିଳା ଏଏଫ୍ସି ଅଲିମ୍ପିକ୍ସ ଯୋଗ୍ୟତା ପର୍ଯ୍ୟାୟ ଫୁଟବଲ୍ ଟୁର୍ନାମେଣ୍ଟରେ ଜାପାନଠାରୁ ପରାସ୍ତ ହୋଇଛି ଭାରତ। ପ୍ରଥମ ମ୍ୟାଚ୍ରେ ଜାପାନ ଭାରତକୁ ୭-୦ ଗୋଲରେ ପରାସ୍ତ କରିଛି।
୧୭ ତମ ମିନିଟରେ ଜାପାନର ୟୋଶିନୋ ନାକାଶିମା ପ୍ରଥମ ଗୋଲ ଦେଇଥିଲେ। ଦ୍ୱିତୀୟାର୍ଦ୍ଧରେ ଜାପାନ ଘନଘନ ଆକ୍ରମଣ କରିବା ସହ ୬ଟି ଗୋଲ ଦେଇଥିଲା। ଏପରିକି ଗୋଲକିପର ଶ୍ରେୟା ହୁଦା ଏକାଧିକ ସେଭ୍ କରିଥିଲେ। ଜାପାନ ୧୧ ମିନିଟରେ ୪ ଗୋଲ ସ୍କୋର କରିଥିଲା। ମ୍ୟାଚ୍ର ଶେଷ ମିନିଟରେ ଭାରତ ନିକଟରେ ଗୋଟିଏ ଗୋଲ ପରିଶୋଧ କରିବାର ସୁଯୋଗ ଥିଲେ ମଧ୍ୟ ଅଞ୍ଜୁ ତମାଙ୍ଗ ସ୍କୋର କରିବାରେ ବିଫଳ ହୋଇଥିଲେ।
