କାବୁଲ: ଆଜିକାଲି ସମଗ୍ର ବିଶ୍ୱର ଆଖି ଆଫଗାନିସ୍ତାନ ଉପରେ ରହିଛି। ତାଲିବାନ ଏହାକୁ କବ୍ଜା କରିବା ମାତ୍ରେ ଚାରିଆଡେ ହାହାକାର ସ୍ଥିତି ଉପୁଜିଛି। ସୋସିଆଲ ମିଡିଆରେ ସେଠାକାର ପରିସ୍ଥିତି ନେଇ ଅନେକ ଫଟୋ ଏବଂ ଭିଡିଓ ଭାଇରାଲ ହେଉଛି। ସେଥିରୁ କିଛି ଦେଖି ଆଖି ଓଦା ହେଉଛି। ଏହି କ୍ରମରେ ଜଣେ ନିରୀହ ଝିଅଙ୍କ ଭିଡିଓ ସାମ୍ନାକୁ ଆସିଛି, ଯାହା ଲୋକଙ୍କୁ ଭାବପ୍ରବଣ କରୁଛି। ଭିଡିଓରେ ଝିଅଟି କାନ୍ଦି କାନ୍ଦି ଆମ କଥା କେହି ଚିନ୍ତା କରୁ ନାହାନ୍ତି ଏବଂ ଆଗାମୀ ସମୟରେ ଆମେ ଧୀରେ ଧୀରେ ମରିଯିବୁ ବୋଲି କହୁଥିବା ଦେଖାଯାଉଛି।
ଆଫଗାନିସ୍ତାନରେ କି ପ୍ରକାର ପରିସ୍ଥିତି ତାହା ସମସ୍ତେ ଅବଗତ। କାରଣ ପୁଣି ଥରେ ଏଠାରେ ତାଲିବାନର ଦମନକାରୀ ଶାସନ ଆରମ୍ଭ ହୋଇଛି। ଏଭଳି ପରିସ୍ଥିତିରେ ସେଠାରୁ ଅନେକ ଲୋକ ପଳାୟନ କରୁଛନ୍ତି। କେବଳ ଏତିକି ନୁହେଁ ବହୁ ସଂଖ୍ୟାରେ ଲୋକ ମଧ୍ୟ ପ୍ରାଣ ହରାଉଛନ୍ତି। ସୋସିଆଲ ମିଡିଆରେ ସେସବୁ ସମ୍ପର୍କିତ କାହାଣୀ ଦେଖି ବିଶ୍ୱ ଚକିତ ହୋଇଯାଇଛି।
ଇରାନର ସାମ୍ବାଦିକା ମାସିହ ଆଲିନାଜାଦ ଟୁଇଟରେ ଆଫଗାନିସ୍ତାର ଜଣେ ଝିଅଙ୍କ ଭିଡିଓ ଶେୟାର କରିଛନ୍ତି। ଆମର ବିଷୟରେ କେହି ଚିନ୍ତା କରନ୍ତି ନାହିଁ। ଆମେ ଧୀରେ ଧୀରେ ମରିଯିବୁ। ଆଫଗାନିସ୍ତାନରେ ଜନ୍ମ ହୋଇଛୁ ବୋଲି ଆମେ ଗଣନା କରୁନାହୁଁ ବୋଳି ଛକ୍ତ ବାଳିକା କହୁଛନ୍ତି। ଲୋକମାନେ ଏହାକୁ ଦେଖି ନିଜ ନିଜର ମତାମତ ଦେଉଛନ୍ତି। ଏହାକୁ ଅନେକ ହୃଦୟ ବିଦାରକ କହିବା ବେଳେ ତାଲିବାନର କ୍ରୁରତା, ନିଷ୍ଠୁରତା ଅସହ୍ୟ ବୋଲି ଅନେକ କହୁଛନ୍ତି।
“We don’t count because we’re from Afghanistan. We’ll die slowly in history”
Tears of a hopeless Afghan girl whose future is getting shattered as the Taliban advance in the country.
My heart breaks for women of Afghanistan. The world has failed them. History will write this. pic.twitter.com/i56trtmQtF
— Masih Alinejad 🏳️ (@AlinejadMasih) August 13, 2021
