କରୋନା କବଳରେ ସମଗ୍ର ବିଶ୍ୱ। ପ୍ରତିଦିନ ଲକ୍ଷ ଲକ୍ଷ ସଂଖ୍ୟାରେ ଲୋକ ଏଥିରେ ଆକ୍ରାନ୍ତ ହେଉଥିବା ବେଳେ ମୃତ୍ୟୁ ସଂଖ୍ୟା ମଧ୍ୟ ବଢ଼ିଚାଲିଛି। ତେବେ ଏହି କରୋନା କାଳରେ ଯେଉଁମାନଙ୍କ ନିକଟରେ ଚିକିିତ୍ସା ବ୍ୟବସ୍ଥା ପହଞ୍ଚି ପାରୁ ନାହିଁ ସେମାନେ ସବୁଠାରୁ ଅଧିକ ଅସୁବିଧାର ସମ୍ମୁଖୀନ ହେଉଛନ୍ତି। କାରଣ ଏଥିପାଇଁ ମୋଟା ଅଙ୍କର ଅର୍ଥ ଖର୍ଚ୍ଚ କରିବାକୁ ପଡ଼ୁଛି।
ଏହାକୁ ଦୃଷ୍ଟିରେ ରଖି ଆଫଗାନିସ୍ତାନର ୭ ମହିଳା ମିଶି ଏକ ଶସ୍ତା ଭେଣ୍ଟିଲେଟର ତିଆରି କରିଛନ୍ତି। ନିଜ ଦେଶର ଅବସ୍ଥାକୁ ଦେଖି ସେମାନେ ଏଭଳି ଭେଣ୍ଟିଲେଟର ତିଆରି କରିବା ପାଇଁ ନିଷ୍ପତ୍ତି ନେଇଥିଲେ। ଗତ ମାର୍ଚ୍ଚ ମାସରୁ ସେମାନେ ଏହା ଉପରେ କାମ ଆରମ୍ଭ କରିଥିଲେ। ଦୀର୍ଘ ୪ ମାସ ପରେ ଅର୍ଥାତ୍ ଜୁଲାଇରେ ସେମାନେ ଏଥିରେ ସଫଳ ହୋଇଛନ୍ତି। ଏଥିପାଇଁ ସେମାନେ କାରର ପୁରୁଣା ଯନ୍ତ୍ରାଂଶକୁ ବ୍ୟବହାର କରିଥିଲେ। ଏହାର ଡିଜାଇନ୍ ମାସାଚୁସେଟ୍ସ ଇନ୍ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି ଉପରେ ଆଧାରିତ। ତେବେ ହାଓ୍ବଡା ୟୁନିଭର୍ସିଟି ଏଥିରେ ସେମାନଙ୍କୁ ଗାଇଡ୍ କରିଥିଲା। ଏହି ଭେଣ୍ଟିଲେଟରକୁ ଯେପରି ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ନେବାରେ କୌଣସି ଅସୁବିଧା ନ ହୁଏ ତାହା ଉପରେ ମଧ୍ୟ ବିଶେଷ ଧ୍ୟାନ ରଖି ଏହାକୁ ତିଆରି କରାଯାଇଛି। ଏହାର ବ୍ୟାଟେରି ୧୦ ଘଣ୍ଟା ପର୍ଯ୍ୟନ୍ତ ଚାଲିଥାଏ। ଏହାର ମୂଲ୍ୟ ୭ଶହ ଡଲାର( ଭାରତୀୟ ଟଙ୍କାର ୫୦ ହଜାର) ହେବ। ମାତ୍ର ସାଧାରଣ ଭେଣ୍ଟିଲେଟରର ମୂଲ୍ୟ ୨୦ ହଜାର ଡଲାର, ଯାହାକି ଭାରତୀୟ ମୂଲ୍ୟରେ ୧୪ ଲକ୍ଷ ଲକ୍ଷ ଟଙ୍କା ହେବ। ଫାଇନାଲ ଟେଷ୍ଟ ପରେ ଏହାକୁ ହସ୍ପିଟାଲକୁ ପଠାଯିବ ବୋଲି ଜଣାପଡ଼ିଛି। ଏହି ସଫଳତା ସେମାନେ ଉକ୍ତ ଟିମ୍ ଅନ୍ତରାଷ୍ଟ୍ରୀୟ ପୁରସ୍କାର ମଧ୍ୟ ପାଇ ସାରିଛନ୍ତି।
