କାବୁଲ,୫।୮ : ଆଫଗାନିସ୍ତାନରେ ତାଲିବାନ କ୍ଷମତାକୁ ଆସିବା ଦିନଠାରୁ ସେଠାରେ ଦିନକୁ ଦିନ ସ୍ଥିତି ଖରାପ ହେବାରେ ଲାଗିଛି। ଏହି ସମୟରେ ଆଫଗାନିସ୍ତାନ ଏକ ବଡ଼ ଧରଣର ସଙ୍କଟର ସମ୍ମୁଖୀନ ହୋଇଛି।
ରିପୋର୍ଟ ଅନୁଯାୟୀ, ଆଫଗାନିସ୍ତାନକୁ ସରକାରୀ ବିକାଶ ସହାୟତା (ଓଡିଏ) ଦ୍ୱାରା ପ୍ରଦାନ କରାଯାଇଥିବା ମାନବିକ ସହାୟତା ୫୯ ପ୍ରତିଶତ ହ୍ରାସ ପାଇଛି। ଶନିବାର ବ୍ରିଟେନ ସଂସଦକୁ ଏ ସମ୍ପର୍କରେ ସୂଚନା ଦିଆଯାଇଛି।
ଏହି ବିବୃତ୍ତିରେ କୁହାଯାଇଛି ସମାନତା ପ୍ରଭାବ ଆକଳନ ଅନୁସାରେ ବିଶ୍ୱର କେତେକ ଗରିବ ଦେଶ ପାଇଁ ମାନବିକ ସଙ୍କଟର ସମ୍ମୁଖୀନ ହେଉଛି। ବ୍ରିଟେନର ଓଡିଏ ଆବଣ୍ଟନରେ ୟେମେନରେ ୪୫ ପ୍ରତିଶତ ଏବଂ ଆଫଗାନିସ୍ତାନ ପାଇଁ ୫୯ ପ୍ରତିଶତ ହ୍ରାସ ହୋଇଛି।
ଏଫସିଡିଏ ଏହି ହ୍ରାସ କରିବାକୁ ଚାହୁଁଛି। ଆଫଗାନିସ୍ତାନ ପାଇଁ ଫଳାଫଳ ଏପର୍ଯ୍ୟନ୍ତ ୫୯ ପ୍ରତିଶତ ହ୍ରାସ ପାଇଛି ବୋଲି ସ୍ଥାନୀୟ ଗଣମାଧ୍ୟମ ସୂତ୍ରରୁ ପ୍ରକାଶ।
ରିପୋର୍ଟରେ ଦର୍ଶାଯାଇଛି ଆଫଗାନିସ୍ତାନର ମହିଳା ଡାକ୍ତରମାନେ ମାତୃ ମୃତ୍ୟୁହାର ବୃଦ୍ଧି କରିବେ ବୋଲି ଚିନ୍ତା ପ୍ରକଟ କରିଛନ୍ତି। ଡାକ୍ତର ନଜମୁଲ ସାମା ଶାଫାଜୋ କହିଛନ୍ତି ବିଶ୍ୱ ସ୍ବାସ୍ଥ୍ୟ ସଂଗଠନ ଏ କ୍ଷେତ୍ରରେ ଅବହେଳା କରିବା ଉଚିତ ନୁହେଁ। ମହିଳା ଏବଂ ଶିଶୁମାନଙ୍କୁ ସାହାଯ୍ୟ କରିବାରେ ସକ୍ରିୟ ଥିବା ଅନ୍ୟ ସଂସ୍ଥା ମଧ୍ୟ ଏଥିରେ ଅବହେଳା କରିବା ଉଚିତ ନୁହେଁ ।
