କାବୁଲ,୬।୧୦: ଆଫଗାନିସ୍ତାନ କ୍ରିକେଟ ଦଳର ବ୍ୟାଟ୍ସମ୍ୟାନ୍ ନାଜିବ ତର୍କାଇଙ୍କ ପରଲୋକ ଘଟିଛି। କିଛି ଦିନ ପୂର୍ବରୁ ଏକ କାର ଦୁର୍ଘଟଣାରେ ସେ ଗୁରୁତର ଆହତ ହୋଇଥିଲେ। ଆଫଗାନିସ୍ତାନ କ୍ରିକେଟ ବୋର୍ଡ ତାଙ୍କ ମୃତ୍ୟୁ ନେଇ ସୋସିଆଲ ମିଡିଆ ମାଧ୍ୟମରେ ଏ ବିଷୟରେ ସୂଚନା ଦେଇଛି। ୨୯ ବର୍ଷୀୟ ତାର୍କାଇ ପୂର୍ବ ନାଙ୍ଗରହାରରେ ରାସ୍ତା ପାର ହେଉଥିବା ବେଳେ ଏକ କାର ତାଙ୍କୁ ଧକ୍କା ଦେଇଥିଲା। ସେ ଆଇସିୟୁରେ ଥିଲେ ଏବଂ ତାଙ୍କ ଅବସ୍ଥା ଗୁରୁତର ରହିଥିଲା। ସେ କୋମାରେ ଥିଲେ, ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା।
୨୦୧୪ ମାର୍ଚ୍ଚରେ ତାର୍କାଇ ଆନ୍ତର୍ଜାତୀୟ ସ୍ତରରେ ଡେବ୍ୟୁ କରିଥିଲେ। ଏପର୍ଯ୍ୟନ୍ତ ସେ ଆଫଗାନିସ୍ତାନ ପାଇଁ ୧୨ଟି-୨୦ ଏବଂ ଗୋଟିଏ ଏକଦିବସୀୟ ଖେଳିଛନ୍ତି। ଟି-୨୦ରେ ସେ ୪ଟି ଅର୍ଦ୍ଧଶତକ ସହ ୨୫୮ ରନ ସଂଗ୍ରହ କରିଛନ୍ତି। ସେ ୨୪ଟି ପ୍ରଥମ ଶ୍ରେଣୀ ମ୍ୟାଚ ମଧ୍ୟ ଖେଳିଛନ୍ତି। ଏଥିରେ ସେ ହାରାହାରି ୪୭.୨୦ରେ ୨୦୩୦ ରନ ସ୍କୋର କରିଛନ୍ତି। ଏଥି ମଧ୍ୟରେ ୬ଟି ଶତକ ଏବଂ ୧୦ଟି ଅର୍ଦ୍ଧଶତକ କରିଛନ୍ତି।
