ମେଲବୋର୍ନ,୧।୧୧ : ଆଫଗାନିସ୍ତାନ ଏବଂ ଶ୍ରୀଲଙ୍କା ମଧ୍ୟରେ ଟି -୨୦ ବିଶ୍ୱକପର ୩୨ ତମ ମ୍ୟାଚ ମଙ୍ଗଳବାର ବ୍ରିସବେନରେ ଖେଳାଯାଇଥିଲା। ଆଫଗାନିସ୍ତାନ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ୨୦ ଓଭରରେ ଆଠ ୱିକେଟ ହରାଇ ଆଫଗାନିସ୍ତାନ ୧୪୪ ରନ ସ୍କୋର କରିଥିଲା। ଏହାର ଜବାବରେ ଶ୍ରୀଲଙ୍କା ୧୮.୩ ଓଭରରେ ୪ ଓ୍ବିକେଟ ହରାଇ ୧୪୮ ସ୍କୋର କରି ମ୍ୟାଚ ଜିତିଥିଲା।
ସୁପର -୧୨ରେ ଦ୍ୱିତୀୟ ବିଜୟ ସହିତ ଶ୍ରୀଲଙ୍କା ଆଫଗାନିସ୍ତାନକୁ ପରାସ୍ତ କରିଛି। ବର୍ତ୍ତମାନ ଦଳ ଚାରୋଟି ମ୍ୟାଚରୁ ଚାରି ପଏଣ୍ଟ ପାଇଛି। ଏବେ ଶ୍ରୀଲଙ୍କା ସେମିଫାଇନାଲ ଦୌଡ଼ରେ ଅଛି। ଅନ୍ୟପକ୍ଷରେ ଆଫଗାନିସ୍ତାନର ଦଳ ଏହି ପରାଜୟ ପରେ ଟୁର୍ନାମେଣ୍ଟରୁ ବାଦ ପଡିଛି। ଚାରୋଟି ମ୍ୟାଚ ଖେଳି ଦଳ ମାତ୍ର ଦୁଇଟି ପଏଣ୍ଟ ପାଇଛି।
ଆଫଗାନିସ୍ତାନ ଟସ ଜିତି ପ୍ରଥମେ ବ୍ୟାଟିଂ କରିଥିଲା। ଧନଞ୍ଜୟ ଡି ସିଲଭା ଦଳ ପାଇଁ ସର୍ବାଧିକ ଅପରାଜିତ ୬୬ ସ୍କୋର କରିଥିଲେ। ତାଙ୍କର ୪୨ବଲ ଇନିଂସରେ ସେ ୬ଟି ଚୌକା ଓ ଦୁଇଟି ଛକା ମାରିଥିଲେ। କୁସଲ ମେଣ୍ଡିସ ୨୫, ଚରିତ ଆସାଲଙ୍କା ୧୯, ଭାନୁକା ରାଜପାକସେ ୧୮ ଏବଂ ପୃଥମ ନିସାଙ୍କା ୧୦ ରନ କରିଥିଲେ। କ୍ୟାପଟେନ ଦାସୁନ ଶାନାକା ଖାତା ନ ଖୋଲି ଅପରାଜିତ ରହିଥିଲେ। ଶ୍ରୀଲଙ୍କା ପାଇଁ ତିନୋଟି ୱିକେଟ ନେଇଥିବା ୱାନିନ୍ଦୁ ହାସରାଙ୍ଗାଙ୍କୁ ମ୍ୟାନ ଅଫ୍ ଦି ମ୍ୟାଚ୍ ଭାବେ ଘୋଷଣା କରାଯାଇଥିଲା।