ନୟାଗଡ଼,୩୧।୮(ଲୋକନାଥ ମିଶ୍ର)ନୟାଗଡ଼ ଜିଲା ମୁଖ୍ୟ ଚିକିସତ୍ାଳୟ(ଡିଏଚଏଚ)ରେ ଇଟାମାଟିର ରାଜ କିଶୋର ସାହୁ(୬୦) ନାମକ ଜଣେ ବୃଦ୍ଧ ମରିବାର ୨ ଘଣ୍ଟା ବିତି ଯାଇଥିଲେ ମଧ୍ୟ ଡାକ୍ତର ମୃତ ଘୋଷଣା କଲେ ନାହିଁ ।
ତେବେ ଏ ଘଟଣା ପ୍ରଚାରିତ ପରେ ପାଟିତୁଣ୍ଡ ଓ ଉତ୍ତେଜନା ବଢ଼ି ଚାଲିବାରୁ ଡାକ୍ତର ବାଧ୍ୟ ହୋଇ ମୃତ ଘୋଷଣା କରିଥିବା ଅଭିଯୋଗ ହୋଇଛି ।
ତରବରିଆ ଭାବେ ମହାପ୍ରୟାଣ ଭ୍ୟାନ ଡକାଇ ମୃତଦେହକୁ ଘରକୁ ପଠାଇବାର ବ୍ୟବସ୍ଥା କଲେ। ତେବେ ବୃଦ୍ଧ ଜଣକ ବେଡ୍ ନ ପାଇ ମେଡିସିନ ୱାର୍ଡର ବାରଣ୍ଡାରେ ଚିକିସତ୍ିତ ହେଉଥିଲେ । ସ୍ବାସ୍ଥ୍ୟସେବା ଠିକରେ ନ ମିଳିବାରୁ ଅସନ୍ତୋଷ ବ୍ୟକ୍ତ କରି ମେଡିସିନ ୱାର୍ଡର ବାରଣ୍ଡାରେ ପଡିଥିବା ଚୌକିରେ ବସିି କ୍ଷୋଭ ପ୍ରକାଶ କରୁଥିଲେ । ଚୌକିରେ ବସିଥିବାବେଳେ ବୃଦ୍ଧ ଟଳି ପଡି ପ୍ରାଣ ହରାଇଥିଲେ । ହେଲେ ପରିବାର ଲୋକ ଜାଣି ପାରି ନ ଥିଲେ । ରାଜ କିଶୋରଙ୍କ ମୃତ୍ୟୁ ହେଉ ଅଥବା ଅନ୍ୟ କାହାରି ମୃତ୍ୟୁ ହେଉ ଅନେକ ସମୟରେ ଅନେକ ରୋଗୀ ସ୍ବାସ୍ଥ୍ୟ ସେବା ଠିକ୍ ନ ପାଇ ପ୍ରାଣ ହରାଉଛନ୍ତି। ଚିକସତ୍ାରେ ଅବହେଳା ଅଭିଯୋଗ ଉଠିଲେ ସ୍ବାସ୍ଥ୍ୟ ବିଭାଗ ପକ୍ଷରୁ ଚତୁରତାର ସହ ମୃତଦେହକୁ ଘରକୁ ପଠାଇ ଘଟଣାକୁ ଚାପି ଦିଆ ଯାଉଥିବାର ଅଭିଯୋଗ ହୋଇଛି ା ତେବେ ଜିଲା ମୁଖ୍ୟ ଚିକିସତ୍ାଳୟରେ ଚାଲିଥିବା ବିପର୍ଯ୍ୟସ୍ତ ସ୍ବାସ୍ଥ୍ୟସେବାର ପ୍ରତିକାର ହେଉ ନ ଥିବାରୁ ରାଜ କିଶୋରଙ୍କ ପରି ଜଣକ ପରେ ଜଣେ ପ୍ରାଣ ହରାଉଛନ୍ତି । ଅଭିଯୋଗ ନ ଥିବା ଦର୍ଶାଇ ସିଡିଏମ୍ଓ ଓ ଜିଲା ମୁଖ୍ୟ ଚିକିସତ୍ାଳୟର ସୁପରିଟେଣ୍ଡେଣ୍ଟ ଘଟଣାର ତଦନ୍ତ କରୁ ନ ଥିବା ସାଧାରଣରେ ମତ ପ୍ରକାଶ ପାଇଛି ା
ଇଟାମାଟିର ରାଜକିଶୋର ସାହୁ ମଙ୍ଗଳବାର ଅସୁସ୍ଥତା ଅନୁଭବ କରିବା ପରେ ଅପରାହ୍ନରେ ଜିଲା ମୁଖ୍ୟ ଚିକିତ୍ସାଳୟକୁ ଆସିଥିଲେ। ତାଙ୍କୁ ମେଡିସିନ ୱାର୍ଡରେ ଭର୍ତ୍ତି କରାଯାଇଥିଲା । ହେଲେ ବେଡ୍ ନ ଥିବାରୁ ବାରଣ୍ଡାରେ ଚିକିସତ୍ିତ ହେଉଥିଲେ । ରାଜକିଶୋରଙ୍କ ପରିବାର ପକ୍ଷରୁ କୁହାଯାଇଛି ମଙ୍ଗଳ ଓ ବୁଧବାର ଦୁଇ ଦିନ ହେଲା ଠିକ୍ରେ ସ୍ବାସ୍ଥ୍ୟସେବା ମିଳି ନ ଥିଲା । ବୁଧବାର ଅପରାହ୍ନରେ ରାଜକିଶୋର ଚିକିସତ୍ାଳୟରେ ଟିକିଏ ବୁଲି ବାରଣ୍ଡାରେ ପଡିଥିବା ଚୌକିରେ ବସି ପଡିଥିଲେ । କିଛି ସମୟ ପରେ ଚୌକିରେ ଟଳି ପଡି ପ୍ରାଣ ହରାଇଥିଲେ ।
ପରିବାର ସଦସ୍ୟ ନର୍ସ ଓ ଡାକ୍ତରଙ୍କୁ ବାରମ୍ବାର ଡାକିବା ପରେ ବିଳମ୍ବରେ ଆସି ଇଞ୍ଜେକଶନ ଦିଆଗଲା । ତେବେ ଡାକ୍ତର ସିକ୍ୟୁରିଟ୍ ଗାର୍ଡଙ୍କୁ କଣ କହି ଚାଲି ଯାଇଥିଲେ । ପରେ ଡାକ୍ତର ଓ ନର୍ସ ଆସି ନ ଥିଲେ । ପରିବାର ଜାଣି ପାରିଥିଲେ ରାଜ କିଶୋର ମରି ଯାଇଛନ୍ତି । ହେଲେ ଡାକ୍ତର ମୃତ ଘୋଷଣା ନ କରିବାରୁ ସେମାନଙ୍କ ଟେନଶନ ବଢ଼ି ଯାଇଥିଲା । ସେ ସମୟରେ ରାଜ ପାଟଣାର ଜଣେ ପଞ୍ଚାୟତସ୍ତରୀୟ ଲୋକ ପ୍ରତିନିଧି ଓ ସାମାଜିକ କର୍ମୀ ଘଟଣା ସମ୍ପର୍କରେ ଅବଗତ ହୋଇ ପାଟିତୁଣ୍ଡ କରିଥିଲେ । ଉତ୍ତେଜନା ବଢ଼ିବା ଦେଖି ଡାକ୍ତର ମୃତ ଘୋଷଣା କରି ଦାୟିତ୍ୱ ଶେଷ କରିଦେଲେ ।
ଏନେଇ ସାମାଜିକ କର୍ମୀ ବିଭୂତି ପଟ୍ଟନାୟକ କୁହନ୍ତି ରାଜ କିଶୋରଙ୍କ ମୃତ୍ୟୁକୁ ଅନୁଧ୍ୟାନ କଲେ ପ୍ରଶ୍ନ ଉଠୁଛି ମୃତକଙ୍କୁ ମୃତ ଘୋଷଣା କରିବାକୁ ଡାକ୍ତର କାହିଁକି ୨ ଘଣ୍ଟା ସମୟ ନେଲେ ।
ଏହା ପଛରେ ଚିକିସତ୍ା ଅବହେଳା ଅଭିଯୋଗ ଥିବାରୁ ଡାକ୍ତର ଜାଣି ଶୁଣି ମୃତ ଘୋଷଣା କଲେ ନାହିଁ । ଅନ୍ୟପକ୍ଷେ ଗତ କିଛି ଦିନ ହେଲା ଡିଏଚଏଚରେ ରୋଗୀଙ୍କୁ ବେଡ୍ ମିଳୁନି । ଜଣେ ରୋଗୀ ଚୌକିରେ ବସି ପ୍ରାଣ ହରାଇବା ଜିଲା ପାଇଁ ଅପମାନ । ଏ ଘଟଣାର ତଦନ୍ତ କରି ପଦକ୍ଷେପ ନିଆଯିବା ଦରକାର । ନଚେତ ଚିକସତ୍ା ଅବହେଳାରୁ ପୁଣି ଅନ୍ୟ କିଏ ପୁଣି ମରି ପାରେ ବୋଲି କହି କ୍ଷୋଭ ପ୍ରକାଶ କରିଥିଲେ । ଘଟଣା ସମ୍ପର୍କରେ ଜିଲା ମୁଖ୍ୟ ଚିକିସତ୍ାଧିକାରୀ ରମାକାନ୍ତ ପଣ୍ଡା ଓ ଜିଲା ମୁଖ୍ୟ ଚିକିସତ୍ାଳୟର ସୁପରିଟେଣ୍ଡେଣ୍ଟ ସୁଧାଂଶୁ ଷଡ଼ଙ୍ଗୀଙ୍କୁ ଫୋନରେ ଯୋଗାଯୋଗ କରିବାକୁ ଚେଷ୍ଟା କରାଯାଇଥିଲା ା ହେଲେ ଉଭୟ ଫୋନ ଉଠାଇ ନ ଥିଲେ ।