ରୋମ,୧୧।୧୧: ଇଟାଲୀର ସବୁଠାରୁ ସକ୍ରିୟ ଆଗ୍ନେୟଗିରି ହେଉଛି ମାଉଣ୍ଟ ଭେସୁଭିୟସ, ଯାହା ୭୯ ଖ୍ରୀଷ୍ଟାବ୍ଦରେ ପୋମ୍ପି ସହରକୁ ଧ୍ୱଂସ କରିଥିଲା। କିନ୍ତୁ ବର୍ତ୍ତମାନ ଏହାଠାରୁ ବିପଜ୍ଜନକ ଆଗ୍ନେୟଗିରି ସକ୍ରିୟ ହେବାକୁ ଯାଉଛି। ଏହାର ନାମ କ୍ୟାମ୍ପି ଫ୍ଲେଗ୍ରିରି ବା ଅଧିକ ଫ୍ଲେଗ୍ରିନ ଫିଲ୍ଡସ। ଏହି ଆଗ୍ନେୟଗିରି ଅବସ୍ଥିତ ସ୍ଥାନରେ ଅନେକ ସହର ଏବଂ ବସ୍ତି ଅଛି। ଆଗ୍ନେୟଗିରିର ସମଗ୍ର ଅଞ୍ଚଳ ୨୦୦ କିଲୋମିଟର ଉପରେ ବ୍ୟାପିଛି, ଯାହା ଇଟାଲୀର ପ୍ରମୁଖ ସହର ନେପ୍ଲସ ପର୍ଯ୍ୟନ୍ତ ପହଞ୍ଚିଛି। ଦୁଇଟି ଦ୍ୱୀପ ମଧ୍ୟ ଏଠାରେ ରହିଛି।
ସୂଚନାଯୋଗ୍ୟ, ପୂର୍ବରୁ ଏହି ସମଗ୍ର ଅଞ୍ଚଳରେ ଏକ ସକ୍ରିୟ ଆଗ୍ନେୟଗିରି ଥିଲା। କିନ୍ତୁ ସମୟ ସହିତ, ଯେତେବେଳେ ସ୍ଥାନଟି ଥଣ୍ଡା ହେଲା, ଲୋକମାନେ ଏହାର ଚାରିପାଖରେ ବସବାସ କରିବାକୁ ଲାଗିଲେ। ପ୍ରାୟ ୨୦ ଲକ୍ଷ ବର୍ଷ ପୂର୍ବେ ସକ୍ରିୟ ଥିବା ଆଗ୍ନେୟଗିରି ଯୋଗୁଁ ଏଠାରେ ଏକ ବଡ଼ ଗର୍ତ୍ତ ମଧ୍ୟ ସୃଷ୍ଟି ହୋଇଥିଲା। ବୈଜ୍ଞାନିକଙ୍କ ଭାଷାରେ ଏହାକୁ ଜଏଣ୍ଟ କାଲଡେରା କୁହାଯାଏ, ଯାହା ବୃହତ ଗର୍ତ୍ତ ଏବଂ ସମତଳ ଅଞ୍ଚଳକୁ ଦର୍ଶାଇଥାଏ। ଆଜି ବି ଏହି ଗାତଗୁଡିକ ଏଠାରେ ଦେଖିବାକୁ ମିଳେ। କିନ୍ତୁ ଆଗ୍ନେୟଗିରି ଶାନ୍ତ ଥିବାରୁ ଏହି ଗର୍ତ୍ତଗୁଡ଼ିକ ସବୁଜ ରଙ୍ଗରେ ପରିପୂର୍ଣ୍ଣ।
ଫ୍ଲେଗ୍ରେନ ଫିଲ୍ଡସ ଅଞ୍ଚଳରେ ଅନେକ ଆଗ୍ନେୟଗିରି ଅଛି। ଏଥିମଧ୍ୟରୁ କିଛି ୩୯ ହଜାର ବର୍ଷ ଧରି ସକ୍ରିୟ ଥିଲା, କିନ୍ତୁ ସେମାନଙ୍କ ମଧ୍ୟରୁ ଅଧିକାଂଶ ପାଣି ଭିତରେ ରହିଛି। ଏହି ସମଗ୍ର ଅଞ୍ଚଳ ଛୋଟ ଗାଁ, ଭିଲ୍ଲା ଏବଂ ସପିଂ ମଲରେ ପରିପୂର୍ଣ୍ଣ। ଏଠାରେ ସମୁଦାୟ ୮ ଲକ୍ଷ ଲୋକ ବାସ କରନ୍ତି। ଏହି ଅଞ୍ଚଳର ସିଭିଲ ପ୍ରୋଟେକ୍ସନ ଏଜେନ୍ସି କହିଛି ଯେ ୧୮ ଟି ସହର ଥିବା ବିପଦ ଜୋନରେ ୫ ଲକ୍ଷ ଲୋକ ବାସ କରନ୍ତି। ଏହି ସହରଗୁଡ଼ିକ ଆଗ୍ନେୟଗିରିର ଅତି ନିକଟବର୍ତ୍ତୀ । ନେପଲ୍ସର ୩୦ଲକ୍ଷ ଜନସଂଖ୍ୟା ମଧ୍ୟ ବିପଦରେ ରହିଛି।