ଧର୍ମଶାଳା,୨୭ା୪ (ପି.ଟି.): ଦୀର୍ଘ ୬୪ ବର୍ଷ ପରେ ତିବ୍ବତୀୟ ଧର୍ମଗୁରୁ ଦଲାଇ ଲାମାଙ୍କୁ ବୁଧବାର ତାଙ୍କ ବାସଭବନରେ ୧୯୫୯ର ରାମୋନ ମାଗାସେସେ ପୁରସ୍କାର ପ୍ରଦାନ କରାଯାଇଛି। ତିବ୍ବତୀୟମାନଙ୍କ ଧର୍ମର ସୁରକ୍ଷା ପାଇଁ ବୀରତ୍ୱପୂର୍ଣ୍ଣ ସଂଘର୍ଷର ନେତୃତ୍ୱ ନେଉଥିବା ଦଲାଇଲାମାକୁ ଏହା ପ୍ରଥମ ଅନ୍ତର୍ଜାତୀୟ ସମ୍ମାନ। ରାମୋନ ମାଗାସେସେ ପୁରସ୍କାର ଫାଉଣ୍ଡେଶନର ଅଧ୍ୟକ୍ଷ ସୁସାନ୍ନା ବି ଆଫାନ୍ ଏବଂ ଟ୍ରଷ୍ଟି ଏମିଲି ଏ ଆବ୍ରେରା ବ୍ୟକ୍ତିଗତ ଭାବେ ଦଲାଇ ଲାମାଙ୍କୁ ପୁରସ୍କାର ପ୍ରଦାନ କରିଛନ୍ତି। ୧୯୫୯ ଅଗଷ୍ଟରେ ଦଲାଇଲାମାଙ୍କ ତରଫରୁ ତାଙ୍କ ବଡ଼ ଭାଇ ଗ୍ୟାଲୋ ଥୋଣ୍ଡେନ୍ ମାନିଲାରେ ଏହି ପୁରସ୍କାର ଗ୍ରହଣ କରିଥିଲେ। ସେତେବେଳେ ଦଲାଇ ଲାମା ତିବ୍ବତରୁ ପଳାଇଆସି ଭାରତରେ ନିର୍ବାଚନରେ ରହିଥିଲେ। ଫିଲିପାଇନ୍ସର ପୂର୍ବତନ ରାଷ୍ଟ୍ରପତି ରାମୋନ ମାଗାସେସେଙ୍କ ଦ୍ୱାରା ପ୍ରତିଷ୍ଠିତ ଏହି ପୁରସ୍କାରକୁ ଏସିଆର ନୋବେଲ ପୁରସ୍କାର ବୋଲି କୁହାଯାଇଥାଏ। ଶାସନରେ ସାଧୁତା, ଲୋକଙ୍କ ପାଇଁ ସାହସିକ ସେବା ଏବଂ ଗଣତାନ୍ତ୍ରିକ ସମାଜରେ ବ୍ୟାବହାରିକ ଆଦର୍ଶବାଦ ଉପରେ ଏହି ପୁରସ୍କାର ପ୍ରଦାନ କରାଯାଇଥାଏ।
