ଦିଶପୁର୍: ନିଜ ସ୍ବପ୍ନ ପୂରଣ କରିବାକୁ ଲୋକେ ବହୁତ କିଛି କରିଥାନ୍ତି। ନିକଟରେ ଜଣେ ମଜୁରିଆ ୮ ବର୍ଷ ପରେ ତାଙ୍କ ସ୍ବପ୍ନକୁ ପୂରଣ କରିଛନ୍ତି। ଆସାମର ଗୁଆହାଟୀର କେ ଗଁାରେ ରହୁଥିବା ରାୟ୍ ନାମକ ମଜୁରିଆ ସ୍କୁଟି କିଣିବା ପାଇଁ ୨୦୧୪ରୁ କିଛି କିଛି ଖୁଚୁରା ପଇସା ସରାଗାତରେ ଭରୁଥିଲେ। ସେଥିରେ ୧ ଟଙ୍କା, ୨ ଟଙ୍କା, ୫ ଟଙ୍କା ଏବଂ ୧୦ ଟଙ୍କା ରଖୁଥିଲେ। ଏବେ ଯେବେ ସେ ତାଙ୍କ ସରାଗାତକୁ ଭାଙ୍ଗି ଟଙ୍କା ସବୁ ଗଣିଥିଲେ। ସେତେବେଳେ ସରାଗାତରୁ ୧ ଲକ୍ଷ ୫୦ ହଜାର ଟଙ୍କା ଥିବା ଜାଣିବାକୁ ପାଇଲେ। ଏହାପରେ ସେ ତାଙ୍କ ସ୍ତ୍ରୀଙ୍କୁ ନେଇ ସ୍ବପ୍ନର ସ୍କୁଟି କିଣିବାକୁ ଏକ ଶୋ’ ରୁମ୍କୁ ଗଲେ। ସେଠାରେ ଦୋକାନୀ ଏତେ ଟଙ୍କା ଦେଖି ପ୍ରଥମେ ନେବାକୁ ମନା କରିଦେଇଥିଲେ। କିନ୍ତୁ ସେ ଉକ୍ତ ବ୍ୟକ୍ତିଙ୍କୁ ଫେରାଇ ନ ଥିଲେ। ସେହି ଖୁଚୁରା ପଇସାକୁ ବ୍ୟାଙ୍କରେ ଦେଇଥିଲେ। ବ୍ୟାଙ୍କ ମଧ୍ୟ ଏତେ ଖୁଚୁରାକୁ ନେବାକୁ ମନା କରିଥିଲା। ସେ ସେହି ଦୋକାନୀ କିଛି ବ୍ୟବସ୍ଥା କରି ବ୍ୟାଙ୍କରୁ ଟଙ୍କା ଆଣିଥିଲେ। ଏଥିସହ ଉକ୍ତ ବ୍ୟକ୍ତିଙ୍କ ସ୍ବପ୍ନ ପୂରଣ କରିବାରେ ସାହାଯ୍ୟ କରିଥିଲେ।
