ନ୍ୟୁୟର୍କ/ଟୋକିଓ/ଫ୍ରାଙ୍କଫୋର୍ଟ.୨୭ ।୧୨: ବିଶ୍ୱର କିଛି ଅଂଶରେ ଶୀତ ପ୍ରକୋପ ବଢିବା ସହ ବରଫ ଝଡ଼ ଯୋଗୁ ସାଧାରଣ ଜୀବନ ଅସ୍ତବ୍ୟସ୍ତ ହୋଇ ପଡିଛି । ଆମେରିକାରେ ହୋଇଥିବା ଘୂର୍ଣ୍ଣିଝଡ଼ ‘ବମ’ ପ୍ରଭାବରେ ଏବେ ପର୍ଯ୍ୟନ୍ତ ୪୧ ଜଣଙ୍କ ମୃତ୍ୟୁ ହୋଇ ସାରିଲାଣି । ଏପଟେ ଜାପାନରେ ତୁଷାରପାତ ଫଳରେ ୧୭ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଏହାସହ ଜାପାନରେ ତୁଷାରପାତ ଯୋଗୁ ପ୍ରାୟ ୯୩ ଜଣ ଆହତ ବି ହୋଇଛନ୍ତି । ଏଠାରେ ଶହ ଶହ ଘରକୁ ବିଜୁଳି ଯୋଗଣ ବନ୍ଦଥିବା ବେଳେ ଅନ୍ୟପଟେ ୟୁରୋପର ଅଷ୍ଟ୍ରିୟାରେ ହିମସ୍ଖଳନ ଯୋଗୁ ପ୍ରାୟ ୧୦ ଜଣ ନିଖୋଜ ଥିବା ଜଣାପଡିଛି ।
ଖ୍ରୀଷ୍ଟମାସ ସମୟରେ ଆମେରିକାରେ ଆସିଥିବା ବରଫ ଝଡ଼ ଫଳରେ ପ୍ରାୟ ୨୦ କୋଟି ଲୋକ ପ୍ରଭାବିତ ହୋଇଥିଲେ । ଏବେ ସେଠାରେ ଅତ୍ୟଧିକ ଥଣ୍ଡା ଯୋଗୁ ପ୍ରାୟ ୪୧ ଜଣଙ୍କ ମୃତ୍ୟୁ ହେଲାଣି । ଏପଟେ କାନାଡାରେ ବି ପ୍ରାୟ ୪ ଜଣଙ୍କ ମୃତ୍ୟୁ ହୋଇଛି । ବରଫ ଝଡ଼ର ପ୍ରଭାବ ପ୍ରାୟ ମେକ୍ସିକୋ ପର୍ଯ୍ୟନ୍ତ ଦେଖିବାକୁ ମିଳିଛି । ଏଠାରେ ରୋଗୀଙ୍କ ପର୍ଯ୍ୟନ୍ତ ଆମ୍ବୁଲାନ୍ସ ପହଞ୍ଚିପାରୁ ନ ଥିବା ବେଳେ ଅନେକ ସ୍ଥାନରେ ବିଜୁଳି ଯୋଗାଣ ବାଧାପ୍ରାପ୍ତ ହୋଇଛି । ସବୁଠାରୁ ଅଧିକ ପ୍ରଭାବି ହୋଇଛି ନ୍ୟୁୟର୍କ ଓ ମୋଟାନା ସହର । ଏଠାରେ ତାପମାତ୍ରା ମାଇନସ ୪୫ ଡିଗ୍ରୀ ହୋଇଯାଇଛି ।