ନୂଆଦିଲ୍ଲୀ,୩୦।୩ : ଆମ ଆଦମୀ ପାର୍ଟି (ଏଏପି) ସାରା ଦେଶରେ ୧୧ ଟି ଭାଷାରେ ମୋଦି ହଟାଓ, ଦେଶ ବଚାଓ ପୋଷ୍ଟର ଲଗାଯାଇଛି। ମାର୍ଚ୍ଚ ୩୦ ରେ ଦେଶବ୍ୟାପୀ ଏଭଳି କରାଯିବ ବୋଲି ଏଏପିର ଦିଲ୍ଲୀ ୟୁନିଟ ମୁଖ୍ୟ ତଥା ପରିବେଶ ମନ୍ତ୍ରୀ ଗୋପାଳ ରାୟ ଏହି ପୋଷ୍ଟର ଲଗାଇବାକୁ ଘୋଷଣା କରିଥିଲେ। ଆମ ଆଦମୀ ପାର୍ଟି ମାର୍ଚ୍ଚ ୩୦ରେ ସାରା ଦେଶରେ ପୋଷ୍ଟର ଲଗାଇବ। ଦଳର ସମସ୍ତ ରାଜ୍ୟ ୟୁନିଟକୁ ନିଜ ନିଜ ରାଜ୍ୟରେ ପୋଷ୍ଟର ଲଗାଇବାକୁ କୁହାଯାଇଛି। ପୋଷ୍ଟରଗୁଡିକ ୧୧ ଟି ଭାଷାରେ ମୁଦ୍ରିତ ହୋଇଛି।
ଗତ ସପ୍ତାହରେ ଜାତୀୟ ରାଜଧାନୀର କାନ୍ଥ ଏବଂ ବିଦ୍ୟୁତ ଖୁଣ୍ଟିରେ ଏହି ପୋଷ୍ଟର ଲଗାଯାଇଥିଲା। ଏହି ମାମଲାରେ ପୋଲିସ ୬ଜଣଙ୍କୁ ଗିରଫ କରି ୩୬ଟି ଏଫଆଇଆର୍ ପଞ୍ଜିକୃତ କରିଥିଲା। ଏହା ପରେ ଭାରତୀୟ ଜନତା ପାର୍ଟି ଜାତୀୟ ରାଜଧାନୀରେ କେଜରିୱାଲ ହଟାଓ, ଦିଲ୍ଲୀ ବଚାଓ।ର ପୋଷ୍ଟର ଲଗାଯାଇଥିଲା। ଏହା ପରେ ଅରବିନ୍ଦ କେଜରିୱାଲ ଟୁଇଟ କରି ଲେଖିଥିଲେ, ଏହି ଲୋକମାନେ ଦିଲ୍ଲୀରେ ମୋ ବିରୋଧରେ ପୋଷ୍ଟର ଲଗାଇଛନ୍ତି। ମୋର ଏଥିରେ କୌଣସି ଆପତ୍ତି ନାହିଁ। ଏକ ଗଣତନ୍ତ୍ରରେ ଜନସାଧାରଣଙ୍କ ନେତାଙ୍କ ସପକ୍ଷରେ କିମ୍ବା ବିପକ୍ଷରେ ନିଜର ମତ ପ୍ରକାଶ କରିବାର ସମସ୍ତ ଅଧିକାର ରହିଛି। ଯେଉଁମାନେ ମୋ ବିରୋଧରେ ପୋଷ୍ଟର ଲଗାଉଛନ୍ତି ସେମାନଙ୍କୁ ଗିରଫ କରାଯିବା ଉଚିତ ନୁହେଁ।
କେଜରିୱାଲଙ୍କ ବିରୋଧରେ ପୋଷ୍ଟରଗୁଡିକ ଭାଜପା ନେତା ମନଜିନ୍ଦର ସିଂ ସିର୍ସା ଲଗାଇ ତାଙ୍କୁ ଅସାଧୁ ଏବଂ ଦୁର୍ନୀତିଗ୍ରସ୍ତ ବୋଲି ଅଭିହିତ କରିଥିଲେ। ସିର୍ସା କହିଥିଲେ, ସେ ଶିକ୍ଷା, ସ୍ବାସ୍ଥ୍ୟ ଏବଂ ଏକ୍ସାଇଜ ବିଭାଗରେ ସ୍କାମରେ ଜଡିତ ଅଛନ୍ତି। ଆମେ ସଚ୍ଚୋଟ ଲୋକ ଏବଂ ସୱୀକାର କରିବାକୁ ଭୟ କରୁନାହୁଁ ଯେ ଆମେ ସେମାନଙ୍କ ବିରୁଦ୍ଧରେ ପୋଷ୍ଟର ଲଗାଇଛୁ।
ଅନ୍ୟପକ୍ଷରେ, ଆମ ଆଦମୀ ପାର୍ଟି (ଏଏପି) ଜନ୍ତର ମନ୍ତରରୁ ମୋଦି ହଟାଓ, ଦେଶ ବଚାଓ ଅଭିଯାନ ଆରମ୍ଭ କରି ୨୦୨୪ ଲୋକସଭା ନିର୍ବାଚନ ପାଇଁ ବିଗୁଲ ବଜାଇଛି।