ଖାଇବା ପରେ ଏପରି କାମ କରନ୍ତୁ ନାହିଁ, ଯାହାର ଖରାପ ପ୍ରଭାବ ଶରୀର ଉପରେ ପଡ଼ିବ । ଜାଣନ୍ତୁ ସେ ସମ୍ପର୍କରେ…
ଆମେ ଖାଦ୍ୟ ଖାଇବା ପରେ କେତେକ କାର୍ଯ୍ୟ ପ୍ରତି ନଜର ଦେବା ନିହାତି ଜରୁରୀ। ଖାଇବା ପରେ ଫଳମୂଳ ଖାଆନ୍ତୁ ନାହିଁ। ଏହାଦ୍ୱାରା ପେଟରେ ଏସିଡିଟି ବଢ଼ିଯାଇଥାଏ। ଖାଇ ସାରି ଗାଧୋଇବା କେତେକଙ୍କର ଅଭ୍ୟାସ। ଏପରି ଅଭ୍ୟାସ ପରିହାର କରିବାକୁ ଚେଷ୍ଟା କରନ୍ତୁ। କାରଣ ଖାଇବା ପରେ ଗାଧୋଇବା ଦ୍ୱାରା ପେଟ ଭିତରେ ରକ୍ତ ସଞ୍ଚାଳନ ଆବଶ୍ୟକତାଠାରୁ ଆହୁରି ତୀବ୍ର ହୋଇଥାଏ।
ଖାଇବା ପରେ ଉଠି ହଠାତ୍ ଚାଲନ୍ତୁ ନାହିଁ। କିଛି ସମୟ ବସିବା ପରେ ଚାଲବୁଲ କରନ୍ତୁ। କାରଣ ଖାଇବା ପରେ ସାଙ୍ଗେ ସାଙ୍ଗେ ଚାଲିଲେ ଖାଦ୍ୟରୁ ଆମକୁ ମିଳୁଥିବା ପୋଷକତତ୍ତ୍ୱ ସଠିକ୍ ଭାବରେ ମିଳି ନ ଥାଏ। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା, ଖାଇବା ପରେ ସାଙ୍ଗେ ସାଙ୍ଗେ ନିଶା ଦ୍ରବ୍ୟ ସେବନ କରନ୍ତୁ ନାହିଁ। ଏହାଦ୍ୱାରା କ୍ୟାନ୍ସର ହେବାର ଆଶଙ୍କା ରହିଛି ବୋଲି କାଲିଫର୍ନିଆ ବିଶ୍ୱବିଦ୍ୟାଳୟର ବିଶେଷଜ୍ଞମାନେ ଏକ ସଦ୍ୟତମ ଗବେଷଣାରୁ ଜାଣପାରିଛନ୍ତି।