କୋପେନ୍ହାଗେନ, ୧୧ା୯: ଏଲିଜାବେଥ୍ ଦ୍ୱିତୀୟଙ୍କ ପରଲୋକ ପରେ ଏବେ ଡେନ୍ମାର୍କର କୁଇନ୍ ମାର୍ଗାରେଟ୍ ଦ୍ୱିତୀୟ ୟୁରୋପର ସର୍ବାଧିକ କାଳ ଶାସନରେ ଥିବା ମହାରାଣୀ ହୋଇଛନ୍ତି। ବାପା ଫ୍ରେଡ୍ରିକ୍ ନବମଙ୍କ ମୃତ୍ୟୁ ପରେ ୧୯୭୨ରେ ମାର୍ଗାରେଟ୍ ୩୧ ବର୍ଷ ବୟସରେ ମହାରାଣୀ ହୋଇଥିଲେ। ମାର୍ଗାରେଟ୍ (୮୨) ୫୦ ବର୍ଷ ହେଲା ଡେନ୍ମାର୍କ କୁଇନ୍ ରହିଛନ୍ତି। କିଛି ଦିନ ମଧ୍ୟରେ ଡେନ୍ମାର୍କ ମହାରାଣୀଙ୍କ ପାଇଁ ସୁବର୍ଣ୍ଣ ଜୟନ୍ତୀ ପାଳନ କରିବାକୁ ଯୋଜନା କରିଥିଲେ ହେଁ ଏଲିଜାବେଥ୍ ଦ୍ୱିତୀୟଙ୍କ ଦେହାନ୍ତ ପରେ ତାହାକୁ ସ୍ଥଗିତ ରଖାଯାଇଛି।