ବଲିଉଡ୍ର ଖିଲାଡି ହିରୋ ଅକ୍ଷୟ କୁମାରଙ୍କ ଅଭିନୟ କ୍ୟାରିୟର ବହୁତ ସଫଳ ରହିଛି । ଫିଲ୍ମକୁ ନେଇ ସେ ଯେତିକି ଚର୍ଚ୍ଚାରେ ଥାଆନ୍ତି ଅଭିନେତ୍ରୀଙ୍କ ସହ ପ୍ରେମ ସମ୍ପର୍କକୁ ନେଇ ମଧ୍ୟ ସେମିତି। ଅଭିନେତ୍ରୀଙ୍କ ସହ ପ୍ରେମ ସମ୍ପର୍କ ରଖିବା ପରେ ସେମାନଙ୍କୁ ଛାଡିଦେବା ତାଙ୍କ ପାଇଁ ସାଧାରଣ କଥା। ଅନେକ ଅଭିନେତ୍ରୀ ତାଙ୍କ ଉପରେ ପ୍ରତାରଣା ଅଭିଯୋଗ ମଧ୍ୟ ଆଣିଛନ୍ତି। ଶିଳ୍ପା ଶେଟ୍ଟୀ ଏବଂ ରବୀନା ଟଣ୍ଡନଙ୍କ ସହ ତାଙ୍କର ପ୍ରେମ ସମ୍ପର୍କକୁ ନେଇ ସବୁଠାରୁ ଅଧିକ ଚର୍ଚ୍ଚା ହୋଇଥିଲା। ଏ ନେଇ ଶିଳ୍ପା ଖୋଲାଖୋଲି ଭାବେ ଏକ ସାକ୍ଷାତକାରରେ ଅକ୍ଷୟ ତାଙ୍କୁ ଧୋକା ଦେଇଥିବା ମଧ୍ୟ କହିଥିଲେ।
କିନ୍ତୁ ଏବେ ଆମେ ଯେଉଁ ଅଭିନେତ୍ରୀଙ୍କ ବିଷୟରେ କହିବାକୁ ଯାଉଛୁ ସେ ହେଲେ ପୂଜା ବତ୍ରା। ପୂଜା ଅକ୍ଷୟଙ୍କ ସମେତ ବଲିଉଡ୍ର ଅନେକ ଅଭିନେତାଙ୍କ ସହ କାମ କରିସାରିଛନ୍ତି। କିନ୍ତୁ ସେ ଅଭିନୟ କ୍ୟାରିୟରରେ ସେତେଟା ସଫଳତା ପାଇପାରି ନାହାନ୍ତି। ତେବେ ଏକ ରିପୋର୍ଟ ଅନୁଯାୟୀ, ପୂଜା ଅକ୍ଷୟଙ୍କୁ ଫିଲ୍ମ ଇଣ୍ଡଷ୍ଟ୍ରିକୁ ଆଣିଥିଲେ। ସେ ହିଁ ନିର୍ଦ୍ଦେଶକଙ୍କ ସହ ଅକ୍ଷୟଙ୍କର ସାକ୍ଷାତ କରାଇ ଫିଲ୍ମରେ ସୁଯୋଗ ଦେଇଥିଲେ। ଉକ୍ତ ସମୟରେ ଅକ୍ଷୟ ଏବଂ ପୂଜାଙ୍କ ମଧ୍ୟରେ ପ୍ରେମ ସମ୍ପର୍କକୁ ନେଇ ଚର୍ଚ୍ଚା ହେଉଥିଲା। କିଛି ସମୟ ପରେ ଅକ୍ଷୟଙ୍କ ଜୀବନରେ ଆଉ ଜଣେ ଅଭିନେତ୍ରୀ ଆସିଥିଲେ। ତେଣୁ ଉଭୟଙ୍କ ମଧ୍ୟରେ ବ୍ରେକ୍ଅପ୍ ହୋଇଯାଇଥିଲା। ଫଳରେ ପୂଜା ଆମେରିକା ଚାଲିଯାଇଥିଲେ। ପରେ ବିବାହ କରି ନିଜର ସୁଖଦ ଦାମ୍ପତ୍ୟ ଜୀବନ ବିତାଉଛନ୍ତି।
