ହିରୋସିମା ପରେ କ୍ୱେଟାରେ ପଡ଼ିଥାନ୍ତା ପରମାଣୁ ବୋମା, ମାତ୍ର ଶେଷ ମୂହୁର୍ତ୍ତରେ ହନିମୁନ ସ୍ମୃତି ଯୋଗୁ ନାଗାସାକିରେ ରଚାଗଲା ତାଣ୍ଡବ…

ଓ୍ବାଶିଂଟନ,୧।୮ : ଏହା ୧୯୨୦ ଦଶକ ଥିଲା। ତତ୍କାଳୀନ ଆମେରିକାର ଯୁଦ୍ଧ ମନ୍ତ୍ରୀ ହେନେରୀ ଏଲ ଷ୍ଟିମସନ ତାଙ୍କ ସ୍ତ୍ରୀଙ୍କ ସହ ହନିମୁନ ପାଇଁ ଜାପାନର କ୍ୱେଟା ସହରକୁ ଯାଇଥିଲେ। ସହରର ସୌନ୍ଦର୍ଯ୍ୟ ଷ୍ଟିମସନଙ୍କୁ ଆକର୍ଷିତ କରିଥିଲା, ଏବଂ ଯେତେବେଳେ ୧୯୪୫ରେ ଦ୍ୱିତୀୟ ବିଶ୍ୱଯୁଦ୍ଧ ଆରମ୍ଭ ହେଲା, ସେତେବେଳେ ସେ ଆଣବିକ ଆକ୍ରମଣ ପାଇଁ ମନୋନୀତ ହୋଇଥିବା ତିନୋଟି ସହର ତାଲିକାରୁ କ୍ୱେଟାକୁ ହଟାଇବା ପାଇଁ କଠିନ ପରିଶ୍ରମ କରିଥିଲେ।

ଆମେରିକା ପ୍ରାୟ ୧୭ ଟି ସହରର ଏକ ତାଲିକା ପ୍ରସ୍ତୁତ କରିଥିଲା। ଆଣବିକ ଆକ୍ରମଣର ଶିକାର ଜାପାନର ଏସବୁ ସହରଗୁଡିକୁ ତାଲିକାଭୁକ୍ତ କରାଯାଇଥିଲା। ଆମେରିକାର ଟାର୍ଗେଟ ତାଲିକାରେ ଜାପାନର ହିରୋସିମା ସହର ଶୀର୍ଷରେ ଥିଲା, କାରଣ ଆମେରିକାର ଆକ୍ରମଣ ଦ୍ୱାରା ଏହି ସହର କମ କ୍ଷତିଗ୍ରସ୍ତ ହୋଇଥିଲା। ଆମେରିକାର ଲକ୍ଷ୍ୟ ତାଲିକାରେ କ୍ୱେଟା ଦୁଇ ନମ୍ବରରେ ଏବଂ ୟୋକୋହାମା ସହର ତୃତୀୟ ସ୍ଥାନରେ ରହିଥିଲା। ଆମେରିକାର ସାମରିକ ଜେନେରାଲ, ସେନା ଅଧିକାରୀ ଏବଂ ବୈଜ୍ଞାନିକଙ୍କ ଏକ କମିଟି ଏହି ତାଲିକା ପ୍ରସ୍ତୁତ କରିଥିଲେ।

ନାଗାସାକି ସହରର ନାମ କେବେ ବି ତାଲିକାରେ ନ ଥିଲା। ମାତ୍ର ଶେଷ ମୂହୁର୍ତ୍ତରେ ହନିମୁନ ସ୍ମୃତି ସାଇତି ଯୋଗୁ ନାଗାସାକିରେ ରଚା ଯାଇଥିଲା ତାଣ୍ଡବ।

ଦ୍ୱିତୀୟ ବିଶ୍ୱ ଯୁଦ୍ଧ ଜାରି ରହି ଥିଲା ଏବଂ ଉଭୟ ଜାପାନ ଏବଂ ଆମେରିକା ପରସ୍ପର ଉପରେ ବାରମ୍ବାର ବିମାନ ଆକ୍ରମଣ ଆରମ୍ଭ କରିଥିଲେ। ଗୋଟିଏ ପଟେ ଜାପାନ ନତମସ୍ତକ ହେବାକୁ ପ୍ରସ୍ତୁତ ନଥିଲାବେଳେ ଆମେରିକା ମଧ୍ୟ ପ୍ରଥମ ଆଣବିକ ଅସ୍ତ୍ର ବ୍ୟବହାର କରି ବିଶ୍ୱରେ ନିଜର ଶକ୍ତି ପ୍ରଦର୍ଶନ କରିବାକୁ ଚାହୁଁଥିଲା। ୨୭ ଏପ୍ରିଲ ୧୯୪୫ ରେ, ମ୍ୟାନହଟନ ପ୍ରୋଜେକ୍ଟ ଅଧୀନରେ ଆମେରିକାର ଟାର୍ଗେଟ କମିଟିର ଏକ ବୈଠକ ହୋଇଥିଲା।

ଏଥିରେ, କିଛି ମାନକ ସ୍ଥିର କରାଯାଇଥିଲା ଯାହା ଆଧାରରେ ଲକ୍ଷ୍ୟ ଚୟନ ସ୍ଥିର କରାଯାଇଥିଲା। କେଉଁ ଜାପାନୀ ସହର ଉପରେ ଆକ୍ରମଣ କରାଯିବ ତାହା ଚୟନ ସହରର ଆକାର, ଜନସଂଖ୍ୟା ଏବଂ ବିନାଶ ଉପରେ ଆଧାରିତ ଥିଲା। ଆମେରିକା ସହରର ସାମରିକ ପ୍ରତିଷ୍ଠାନକୁ ସଂପୂର୍ଣ୍ଣ ଧ୍ୱଂସ କରିବାକୁ ମଧ୍ୟ ଏକ ଯୋଜନା ପ୍ରସ୍ତୁତ କରିଥିଲା। ଯାହା ଦ୍ୱାରା ଜାପାନ ସମ୍ପୂର୍ଣ୍ଣ ଦୁର୍ବଳ ହୋଇଯିବ। ମ୍ୟାନହଟନ ପ୍ରକଳ୍ପର ମୁଖ୍ୟ ଜେନେରାଲ ଲେସଲି ଗ୍ରୋଭସ ଆଣବିକ ଅସ୍ତ୍ରରେ ଆକ୍ରମଣ କରିବାକୁ ଜାପାନର ତିନୋଟି ସହରର ଏକ ତାଲିକା ପ୍ରସ୍ତୁତ କରିଥିଲେ। ଯେଉଁଥିରେ ହିରୋସିମା ପ୍ରଥମ ସ୍ଥାନରେ, କ୍ୱେଟା ଦ୍ୱିତୀୟରେ ଏବଂ ୟୋକୋହାମା ତୃତୀୟ ସ୍ଥାନରେ ଥିଲା।

ଆମେରିକା କ୍ୱେଟାକୁ ଟାର୍ଗେଟ କରିଥିଲା କାରଣ ସହରରେ ଅନେକ ପ୍ରମୁଖ ବିଶ୍ୱବିଦ୍ୟାଳୟ ଥିଲା। ଅନେକ ବଡ ଶିଳ୍ପ ସଂସ୍ଥା ଏଠାରୁ କାର୍ଯ୍ୟ କରୁଥିଲେ । ଏହା ବ୍ୟତୀତ ୨୦୦୦ ବୌଦ୍ଧ ମନ୍ଦିର ଏବଂ ଅନେକ ଐତିହାସିକ ଐତିହ୍ୟ ଏହି ସହରରେ ଥିଲା। କ୍ୱେଟାର ଗୁରୁତ୍ୱକୁ ଦୃଷ୍ଟିରେ ରଖି ପରମାଣୁ ବୋମା ଆକ୍ରମଣର ପ୍ରଥମ ଟାର୍ଗେଟ ଭାବରେ କ୍ୱେଟାକୁ ଚୟନ କରାଯାଇଥିଲା।