ଭୁବନେଶ୍ୱର,୨୭।୪(ବ୍ୟୁରୋ): କଂଗ୍ରେସର ଦଳୀୟ ନିର୍ବାଚନ ଚାଲିଥିବା ବେଳେ ଦଳର ଅମୁଳ ଚୂଳ ପରିବର୍ତ୍ତନ ହେବା ନେଇ ରାଜ୍ୟ କଂଗ୍ରେସ ପ୍ରଭାରୀ ଏ. ଚେଲ୍ଲା କୁମାର ସୂଚନା ଦେଇଛନ୍ତି। ଏହାପରେ ଦଳୀୟ ପଦରୁ ଜଣଙ୍କ ପରେ ଜଣେ ଇସ୍ତଫା ଦେବା ନେଇ ଚର୍ଚ୍ଚା ଜୋର ଧରିଛି। ଜୟପୁର ବିଧାୟକ ତାରାପ୍ରସାଦ ବାହିନୀପତି ବୁଧବାର କଂଗ୍ରେସ ବିଧାୟକ ଦଳର ମୁଖ୍ୟ ସଚେତକ ପଦବୀରୁ ଇସ୍ତଫା ଦେଇଥିବା ଚର୍ଚ୍ଚା ହେଉଛି। ମଙ୍ଗଳବାର ବଲାଙ୍ଗୀର ବିଧାୟକ ନରସିଂହ ମିଶ୍ର କଂଗ୍ରେସ ବିଧାୟକ ଦଳ ନେତା ପଦରୁ ଇସ୍ତଫା ଦେବା ନେଇ ଚର୍ଚ୍ଚା ହୋଇଥିଲା। ତେବେ ଏହି ଦୁଇ ବିଧାୟକ ନିଜର ଇସ୍ତଫା ନେଇ କୌଣସି ସୂନା ଦେଇ ନଥିବା ବେଳେ ପ୍ରଦେଶ କଂଗ୍ରେସ କମିଟି(ପିସିସି) ପକ୍ଷରୁ ମଧ୍ୟ ଏ ନେଇ କୌଣସି ସ୍ପଷ୍ଟ ସୂନା ପ୍ରଦାନ କରାଯାଇ ନାହିଁ।
ସୂଚନାଯୋଗ୍ୟ ଯେ, ଇତି ମଧ୍ୟରେ କଂଗ୍ରେସର ଦଳୀୟ ନିର୍ବାଚନ ପ୍ରକ୍ରିୟା ଆରମ୍ଭ ହୋଇଛି। ବୁଧବାର ସମସ୍ତ ସାଙ୍ଗଠାନିକ ଜିଲା ପାଇଁ ରିଟର୍ନିଂ ଅଫିସର (ଡିଆରଓ)ଙ୍କୁ ନିଯୁକ୍ତି ଦିଆଯାଇଛି। ସେମାନେ ବ୍ଲକ ଓ ଦଳର ତୃଣମୂଳ ସ୍ତର ପାଇଁ ନେତା ୟନ କରିବେ। ଦଳୀୟ ସଂଗଠନକୁ ସମ୍ପୂର୍ଣ୍ଣ ପୁର୍ନବିନ୍ୟାସ କରିବା ପାଇଁ ଉଭୟ ବିଧାୟକ ଦଳୀୟ ପଦବୀରୁ ଇସ୍ତଫା ଦେବା ନେଇ କର୍ମୀ ମହଲରୁ ସୂଚନା ମିଳିଛି।
