ନୂଆଦିଲ୍ଲୀ,୧୧।୩: ପଞ୍ଜାବରେ ବିପୁଳ ବିଜୟ ପରେ ଅରବିନ୍ଦ କେଜରିଓ୍ବାଲଙ୍କ ଆମ ଆଦାମି ପାର୍ଟି (ଏଏପି)ର ଟାର୍ଗେଟରେ ଦୁଇଟି ରାଜ୍ୟ ଗୁଜରାଟ ଏବଂ ହିମାଚଳପ୍ରଦେଶ ରହିଥିବା ଦଳୀୟ ନେତା ଅକ୍ଷୟ ମାରାଥେ କହିଛନ୍ତି।
“ଆମେ ଗୁଜରାଟ ଓ ହିମାଚଳପ୍ରଦେଶ ନିଶ୍ଚିତ ଯାଉଛୁ। ଏହି ଦୁଇ ରାଜ୍ୟ ଆମ ର଼୍ୟାଡରରେ ଅଛି। ଆମ ପାର୍ଟି ଦଳୀୟ କର୍ମୀଙ୍କୁ ସେହି ରାଜ୍ୟଙ୍କୁ ପଠାଉଛି। ଏହା ନିଶ୍ଚିତ ଭାବେ ବଡ଼ ପ୍ରଭାବ ପକାଇବ। ଦୀର୍ଘ ଦଶନ୍ଧି ହେଲା ଭାରତୀୟଙ୍କୁ ଦୁଇ ଦଳ ମଧ୍ୟରୁ ବାଛିବାକୁ ପଡ଼ୁଥିଲା, ଯାହାକି କାମ ଦେଉ ନାହିଁ। ଲୋକେ ଏବେ ପରିବର୍ତ୍ତନ ଚାହୁଁଛନ୍ତି” ବୋଲି ସେ କହିଛନ୍ତି। ଉଲ୍ଲେଖଯୋଗ୍ୟ, ୧୧୭ ବିଧାନସଭା ଆସନ ବିଶିଷ୍ଟ ପଞ୍ଜାବରେ ଏଏପି ୯୧ ଆସନ ଦଖଲ କରିଛି। ଦିଲ୍ଲୀ ପରେ ଦ୍ୱିତୀୟ ରାଜ୍ୟ ଭାବେ ପଞ୍ଜାବରେ ଏଏପି ସରକାର ଗଠନ କରିବାକୁ ଯାଇଛି।
