ନୂଆଦିଲ୍ଲୀ,୨୨।୧: ସୋମବାର ଅଯୋଧ୍ୟାରେ ରାମଲାଲାଙ୍କ ପ୍ରାଣ ପ୍ରତିଷ୍ଠା ସମାରୋହ ସମାପ୍ତ ହୋଇଛି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ବାସଭବନରେ ଦୀପ ଜାଳିଛନ୍ତି। ଏଥିସହ ରାମଜ୍ୟୋତି ପ୍ରଜ୍ଜଳିତ କରି ନିଜ ଘରେ ରାମଲାଲାଙ୍କୁ ସ୍ବାଗତ କରନ୍ତୁ ବୋଲି ପ୍ରଧାନମନ୍ତ୍ରୀ ମୋଦି ଦେଶବାସୀଙ୍କୁ ନିବେଦନ କରିଛନ୍ତି।
ପ୍ରଧାନମନ୍ତ୍ରୀ ମୋଦି ଦେଶବାସୀଙ୍କୁ କହିଛନ୍ତି, ଆଜି ରାମଲାଲା ଅଯୋଧ୍ୟା ଧାମରେ ଥିବା ତାଙ୍କ ଭବ୍ୟ ମନ୍ଦିରରେ ବିରାଜମାନ କରିଛନ୍ତି। ଏହି ଶୁଭ ଅବସରରେ ମୁଁ ସମସ୍ତ ଦେଶବାସୀଙ୍କୁ ଅନୁରୋଧ କରୁଛି ଯେ ରାମଜ୍ୟୋତିଙ୍କୁ ଆଲୋକିତ କରନ୍ତୁ ଏବଂ ତାଙ୍କୁ ଘରେ ମଧ୍ୟ ସ୍ବାଗତ କରନ୍ତୁ। ଏହି ସମୟରେ ଅଯୋଧ୍ୟାରେ ଦୀପୋତ୍ସବ ମଧ୍ୟ ପାଳନ କରାଯାଉଛି। ଏଠାରେ ଦୋକାନ ଏବଂ ଘର ବାହାରେ ଦୀପ ଜଳାଯାଉଛି ।