ମୁମ୍ବାଇ: ନିକଟରେ ଅଭିନେତ୍ରୀ ରଶ୍ମିକା ମନ୍ଦାନା ତାଙ୍କର ଡିପ୍ଫେକ ଭିଡିଓ ଯୋଗୁ ଚର୍ଚ୍ଚାରେ ଥିଲେ। ରଶ୍ମିକାଙ୍କ ପରେ ବର୍ତ୍ତମାନ ବଲିଉଡ ଅଭିନେତ୍ରୀ କାଜୋଲ ଏଥିରେ ଶିକାର ହୋଇଛନ୍ତି। କାଜୋଲଙ୍କର ଏକ ଅଶ୍ଳୀଳ ଭିଡିଓ ସାମ୍ନାକୁ ଆସିଛି, ଯାହା ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛି।
ଭିଡିଓରେ ଡିପ୍ଫେକ ଟେକ୍ନୋଲୋଜି ବ୍ୟବହାର କରି ଅଭିନେତ୍ରୀଙ୍କୁ ଅଶ୍ଳୀଳ ଢଙ୍ଗରେ ଉପସ୍ଥାପିତ କରାଯାଇଛି। ଡିପ୍ଫେକରେ ଏଡିଟ ହୋଇଥିବା ଭିଡିଓରେ ଅଭିନେତ୍ରୀ ପୋଷାକ ବଦଳୁଥିବା ଦେଖିବାକୁ ମିଳିଛି। କାଜୋଲଙ୍କ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ତାଙ୍କ ପ୍ରଶଂସକମାନେ ଏହି ଭିଡିଓରେ ଅସନ୍ତୋଷ ବ୍ୟକ୍ତ କରୁଛନ୍ତି।