ନୂଆଦିଲ୍ଲି, ୨୯।୩: ଭାରତର ମହାନ କ୍ରିକେଟର ସଚିନ ତେନ୍ଦୁଲକର ଏବଂ ଅଲରାଉଣ୍ଡର ୟୁସୁଫ୍ ପଠାନଙ୍କ ପରେ ଆଉ ଜଣେ କ୍ରିକେଟର କରୋନା ସଂକ୍ରମିତ ହୋଇଛନ୍ତି। ସେ ହେଲେ ପୂର୍ବତନ ଭାରତୀୟ ବ୍ୟାଟ୍ସମ୍ୟାନ୍ ଏସ୍ ବଦ୍ରିନାଥ। ଏ ନେଇ ବଦ୍ରିନାଥ ନିଜେ ଟୁଇଟ କରି ଜଣାଇଛନ୍ତି। ସେ ଲେଖିଛନ୍ତି, ମୁଁ ସମସ୍ତ ସତର୍କତା ଅବଲମ୍ବନ କରୁଥିଲି ଏବଂ ନିୟମିତଭାବେ ପରୀକ୍ଷା କରୁଥିଲି। ତଥାପି ମୁଁ କୋଭିଡି ପଜିଟିଭ ହୋଇଛି। ମୋର ସାମାନ୍ୟ ଲକ୍ଷଣ ରହିଛି। ବର୍ତ୍ତମାନ ମୁଁ ଘରେ ଅଲଗା ରହୁଛି ବୋଲି ସେ କହିଛନ୍ତି। ଗତ ଦୁଇ ଦିନ ମଧ୍ୟରେ ରୋଡ୍ ସେଫ୍ଟି ଓ୍ବାଲ୍ଡ ସିରିଜ୍ ଟୁର୍ଣ୍ଣାମେଣ୍ଟରେ ସଂକ୍ରମିତ ହୋଇଥିବା ବଦ୍ରିନାଥ ହେଉଛନ୍ତି ତୃତୀୟ ପୂର୍ବତନ ଭାରତୀୟ କ୍ରିକେଟର। ନିକଟରେ ରାୟପୁରରେ ଆୟୋଜିତ ଭେଟେରାନ୍ସ ଟୁର୍ଣ୍ଣାମେଣ୍ଟରେ ସେ ଖେଳିଥିଲେ।