ପୁରୁଷୋତ୍ତମପୁର,୧୧/୧( ସିମାଞ୍ଚଳ ମିଶ୍ର) ରାଜ୍ୟପାଳ ରଘୁବର ଦାଶ ଗୁରୁବାର ସକାଳେ ଦକ୍ଷିଣ ଓଡିଶାର ପ୍ରସିଦ୍ଧ ଇଷ୍ଟଦେବୀ ମା ତାରାତାରୀଣୀଙ୍କ ଦର୍ଶନ କରି ଆଶିଷ ନେବା ସହ ଓଡିଶାବାସୀଙ୍କ ମଙ୍ଗଳକାମନା କରିଛନ୍ତି। ଏହା ସହ ମନ୍ଦିର ଚତୁପାର୍ଶରେ ଚାଲିଥିବା ଉନ୍ନୟନ ମୂଳକ କାର୍ଯ୍ୟକୁ ବୁଲି ଦେଖିଥିଲେ। ପାହାଡ ଊପରେ ରହି ସୌନ୍ଦର୍ଯପୂର୍ଣ୍ଣ ଜଙ୍ଗଲ ପୂର୍ଣ୍ଣ ପରିବେଶ ଓ ପାହାଡ ପାଦଦେଶରେ ବହିଯାଇଥିବା ପବିତ୍ର ଋଷିକୁଲ୍ୟା ନଦୀର ସୁନ୍ଦର ମନୋରମ ଦୃଶ୍ୟକୁ ଦେଖି ଖୁସି ପ୍ରକଟ କରିଥିଲୋ ମନ୍ଦିରରୁ ଫେରିବା ବାଟରେ ପାହାଡ ପାଦଦେଶରେ ବହୁ ମହିଳା ଧାଡିବାନ୍ଧି ଠିଆ ହୋଇ ଥିବାର ଦେଖି ଅଟକି ଯାଇ ସେମାନଙ୍କ ସମସ୍ୟା ବୁଝିଥିଲେ। ଏହି ମହିଳାମାନେ ଗରିବ ଶ୍ରେଣୀର ହୋଇଥିଲେ ମଧ୍ୟ ସେମାନଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନା ଓ ଖାଦ୍ୟ ସୁରକ୍ଷା ଯୋଜନାରୁ ବଞ୍ଚିତ କରାଯାଇଥିବା ନେଇ ଅଭିଯୋଗ ଜଣାଇ ସ୍ମାରକ ପତ୍ର ପ୍ରଦାନ କରିଥିଲୋ ଏହାକୁ ନେଇ ସରକାରଙ୍କୁ ଜଣାଇ ପଦକ୍ଷେପ ନେବାକୁ ରାଜ୍ୟପାଳ ପ୍ରତିଶ୍ରୁତି ଦେଇଥିଲେ । ସେହିପରି ତାରାତାରିଣୀଠାରୁ ହୁମ୍ମା ଯିବା ବେଳେ ପୁରୁଷୋତ୍ତମପୁର ସହର ହାଡିସାହି ଛକଠାରେ ଥାଲେସେମିଆ ରୋଗରେ ଦୀର୍ଘ ୧୧ ବର୍ଷହେଲା ପୀଡିତ ନାବାଳକ ତନ୍ମୟ ବେହେରା ରାଜ୍ୟପାଳ ଆସୁଥିବାର ଜାଣି ଚିକିସା ନିମନ୍ତେ ଗୁହାରି କରିବା ଲାଗି ରାସ୍ତା ପାଶର୍ବରେ ଠିଆହୋଇଥିଲେ। ଛୋଟ ପିଲାଟିକୁ ଦେଖି ରାଜ୍ୟପାଳ ଅଟକି ରହି ପିଲା ସହ ତାଙ୍କ ବାପା ସୁଦର୍ଶନ ବେହେରାଙ୍କ ସହ କଥାହୋଇ ସମସ୍ୟା ବୁଝି ସମସ୍ତ ମେଡିକାଲ ରିପୋର୍ଟକୁ ଦେଖିବା ସହ ସହାୟତା ଲାଗି ଏକ ଲକ୍ଷ ଟଙ୍କା ପ୍ରଦାନ କରିବାକୁ କହିବା ସହ ସମସ୍ତ ପ୍ରକାର ଚିକିସା ଯୋଗାଇ ଦେବାର ପ୍ରତିଶ୍ରୁତି ଦେଇଥିଲୋ