ଆଜିକାଲି ଶରୀରରେ ଟାଟୁ କରିବା ଏକପ୍ରକାର ଫ୍ୟାଶନ ହୋଇଗଲାଣି। ଯୁବପିଢିଙ୍କ ମଧ୍ୟରେ ଟାଟୁ କରିବା ଯେପରି ଏକ ନିଶାରେ ପରିଣତ ହୋଇଛି। ଅଷ୍ଟ୍ରେଲିଆର ଅମ୍ବର ଲ୍ୟୁକ ନାମକ ଜଣେ ଯୁବତୀ ନିଜ ଶରୀରର ୯୯% ପ୍ରତିଶତ ସ୍ଥାନରେ ଟାଟୁ କରିଛନ୍ତି। ଏଥିପାଇଁ ତାଙ୍କୁ ପ୍ରାୟ ଦେଢ କୋଟି ଟଙ୍କା ଖର୍ଚ୍ଚ କରିବାକୁ ପଡିଛି। ଡ୍ରାଗନ ଗାର୍ଲ ଭାବରେ ଜଣାଶୁଣା ଅମ୍ବରଙ୍କୁ ଏବେ ଟାଟୁ ପାଇଁ ଅନେକ ଯନ୍ତ୍ରଣା ସହିବାକୁ ପଡୁଛି।
ଅମ୍ବର ଗତ କିଛି ବର୍ଷ ମଧ୍ୟରେ ତାଙ୍କ ଶରୀରରେ ହୋଇଥିବା ପରିବର୍ତ୍ତନ ପାଇଁ ଚର୍ଚ୍ଚାରେ ରହିଛନ୍ତି। ସେ ନିଜ ଜିଭରେ ଫର୍କ ଏବଂ ଏଲଫିନ ପରି କାନ ତିଆରି କରିବା ପାଇଁ ଅସ୍ତ୍ରୋପଚାର କରିଥିଲେ। ଗତ ବର୍ଷ ‘ଡ୍ରାଗନ ବ୍ଲୁ’ ଟାଟୁ କରିବା ପରେ ସେ ତିନି ସପ୍ତାହ ଅନ୍ଧ ହୋଇଯାଇଥିଲେ। ସେ ତାଙ୍କ ଆଖିରେ ଏହି ଟାଟୁ କରିଥିଲେ। ଏକ ସାକ୍ଷାତକାରରେ ଅମ୍ବର କହିଛନ୍ତି, ଶାରୀରିକ ଯନ୍ତ୍ରଣା ବ୍ୟତୀତ ଏବେ ମୋ ପାଇଁ ଚାକିରି କରିବାର ସମ୍ଭାବନା ମଧ୍ୟ ସୀମିତ ରହିଛି। କମ୍ପାନୀଗୁଡିକ ମୋ କାର୍ଯ୍ୟଶୈଳୀ କିମ୍ବା ମୂଲ୍ୟବୋଧକୁ ବିଚାର କରନ୍ତି ନାହିଁ। କିନ୍ତୁ ଏଥିପାଇଁ ମୁଁ ଚିନ୍ତିତ ନୁହେଁ। ସୌନ୍ଦର୍ଯ୍ୟକୁ ନେଇ ପ୍ରତ୍ୟେକଙ୍କର ନିଜସ୍ବ ଚିନ୍ତାଧାରା ରହିଛି। ଟାଟୁ କରିବା ଘୃଣ୍ୟ କାର୍ଯ୍ୟ ନୁହେଁ ବୋଲି କୁହନ୍ତି ଅମ୍ବର।
