ଓମେନ୍ ଚାଣ୍ଡିଙ୍କ ମୃତ୍ୟୁ ପରେ ପୁଥୁପାଲ୍ଲୀ ଆସନରୁ କିଏ ହେବେ କଂଗ୍ରେସ ପ୍ରାର୍ଥୀ? ସ୍ପଷ୍ଟ କଲେ କେ ସୁଧାକରନ
07 ଥିରୁଭାନନ୍ତପୁରମ୍,୨୩।୭: କଂଗ୍ରେସର ବରିଷ୍ଠ ନେତା ତଥା ପୂର୍ବତନ କେରଳ ମୁଖ୍ୟମନ୍ତ୍ରୀ ଓମେନ ଚାଣ୍ଡିଙ୍କ ମୃତ୍ୟୁ ପରେ ତାଙ୍କ ନିର୍ବାଚନମଣ୍ଡଳୀ ପୁଥୁପାଲ୍ଲୀରୁ କଂଗ୍ରେସ କାହାକୁ ପ୍ରାର୍ଥୀ କରିବ ସେନେଇ ଚର୍ଚ୍ଚା ଜୋର ଧରିଛି। ମାତ୍ର କଳ୍ପନାଜଳ୍ପନାର କିଛି ଘଣ୍ଟା ପରେ କେରଳ ପ୍ରଦେଶ କଂଗ୍ରେସ କମିଟି (କେପିସିସି) ମୁଖ୍ୟ କେ ସୁଧାକରନ ରବିବାର ପୁଥୁପାଲ୍ଲୀରୁ ପ୍ରାର୍ଥୀ କିଏ ହେବ ସେନେଇ ସ୍ପଷ୍ଟ କରିଛନ୍ତି।
ସୁଧାକରନ କହିଛନ୍ତି,ପ୍ରାର୍ଥୀ କିଏ ହେବା ଉଚିତ ସେନେଇ ଅନଔପଚାରିକ ଆଲୋଚନା ଆରମ୍ଭ ହୋଇଛି ଏବଂ ଆନୁଷ୍ଠାନିକ ଭାବେ ଏହା କିଛି ଦିନ ମଧ୍ୟରେ ଆରମ୍ଭ ହେବ। ଏଥିରେ କୌଣସି ସନ୍ଦେହ ନାହିଁ ଯେ ପୁଥୁପାଲ୍ଲୀର ଚାଣ୍ଡି ପରିବାରର କେହି ଜଣେ ପ୍ରାର୍ଥୀ ହେବେ। ଦଳ ଦ୍ୱାରା ନୁହେଁ, ପରିବାର ଦ୍ୱାରା ନିଷ୍ପତ୍ତି ନିଆଯିବ।
ସୁଧାକରନ ଏହା ମଧ୍ୟ କହିଛନ୍ତି, ଯଦି କେରଳରେ ଶାସକ ଏଲଡିଏଫ୍ ଚାଣ୍ଡିଙ୍କ ପ୍ରତି କୌଣସି ସମ୍ମାନ ଥାଏ, ତେବେ ସେ ପୁଥୁପାଲ୍ଲୀ ନିର୍ବାଚନମଣ୍ଡଳୀରୁ ପ୍ରତିଦ୍ୱନ୍ଦ୍ୱିତାକୁ ଏଡ଼ାଇବା ଉଚିତ୍। ଦୁଇଥର କେରଳର ମୁଖ୍ୟମନ୍ତ୍ରୀ ଓମେନ ଚାଣ୍ଡି ଜୁଲାଇ ୧୮ରେ ବେଙ୍ଗାଲୁରୁର ଏକ ଘରୋଇ ଡାକ୍ତରଖାନାରେ ଶେଷ ନିଶ୍ୱାସ ତ୍ୟାଗ କରିଥିଲେ। ତାଙ୍କୁ ୭୯ ବର୍ଷ ବୟସ ହୋଇଥିଲା।